Намоишгоҳи маҳсулоти Ҳиндустон дар Хуҷанд

Азназаргузаронӣ: 1001

20 октябр дар шаҳри Хуҷанд Намоишгоҳи маҳсулоти Ҳиндустон оғоз ёфт, ки то 29 октябр идома хоҳад кард.

Намоишгоҳи мазкур дар Кохи фарҳанги ба номи Абӯабдуллоҳи Рӯдакӣ ташкил шуда, дар маросими ифтитоҳи он омири кулли Палатаи савдо ва саноати вилояти Суғд Муҳамадҷон Мухаммедҷонов, роҳбари ширкати «WC INTERNATIONAL» Одил Васим ва дигар масъулон иштирок намуданд.

Тавре Муҳаммадҷон Мухаммедов иттилоъ дод, Намоишгоҳи маҳсулоти Ҳиндустон бо дастгирии Ҳукумати Ҷумҳурии Тоҷикистон, Палатаи савдо ва саноати мамлакат ташкил гардида, ҳадаф аз роҳандозии иқдом таҳкими муносибатҳои иқтисодӣ миёни Тоҷикистон ва Ҳиндустон аст.

Дар намоишгоҳ маҳсулоти саноатӣ, ҳунарҳои мардумӣ, матоъ ва ғайраҳо пешниҳод карда мешавад.

Ҷамъоварии пахта дар ноҳияи Ҷаббор Расулов идома дорад

Азназаргузаронӣ: 1467

Дар ноҳияи Ҷаббор Расулов ҷамъоварии пахта муташаккилона идома дошта, сокинони касбу кори гуногун ба кишоварзон ёрии амалии худро расонида истодаанд. Дар ин бора зимни боздиди Раиси вилояти Суғд Раҷаббой Аҳмадзода аз хоҷагиҳои пахтакори ноҳия маълумот дода шуд.

20 октябр Раиси вилоят ба ноҳия омада, бо рафти ғунучини пахта аз наздик шинос шуд. Иттилоъ дода шуд, ки дар ноҳия то имрӯз наздик 6900 тонна пахта истеҳсол гардида, нақшаи солона 53,7 дарсад таъмин карда шудааст.

Раиси вилоят зимни суҳбат бо масъулини соҳаи кишоварзӣ, саҳмдорону аъзои хоҷагиҳои деҳқонӣ аз муҳимияти пахта ва то ҳадди ниҳоӣ коркард шудани он ёдоварӣ намуда, дастур дод, ки аз ин рӯзҳои офтобӣ самаранок истифода намоянд.

Шиносоӣ бо фаъолияти ҶДММ «Қудрат-2010»

Азназаргузаронӣ: 1954

20 октябр Раиси вилояти Суғд Раҷаббой Аҳмадзода дар ноҳияи Спитамен бо фаъолияти филиали коргоҳи фурӯши ангишти ҶДММ «Қудрат-2010» шинос гардид.

Дар вилояти Суғд ба масъалаи истеҳсол ва содироти ангишт таваҷҷуҳи зарурӣ равона шуда, дар нуҳ моҳи соли равон 1 миллиону 107,9 тонна ангишт истеҳсол шудааст. Масъулини ҶДММ «Қудрат-2010» азм доранд, ки ба Ҷумҳурии Ӯзбекистон ҳаҷми содироти ангиштро бештар намоянд. Тавре зимни шиносоӣ иттилоъ дода шуд, ширкат якҷо бо ҶДММ "Занҷираи осиёии таҳвил" дар як моҳ то 10 ҳазор тонна ангиштро содирот менамояд ва тибқи шартнома ҳаҷми умумии он беш аз 500 ҳазор тоннаро ташкил медиҳад.

Ангишт аз кони ангишти "Қудрат-2010" аз Куҳистони Мастчоҳ тавассути беш аз 50 нақлиёти калонҳаҷми боркашон оварда шуда, ба воситаи вагонҳои роҳи оҳан аз истгоҳи роҳи оҳани Спитамен ба кишвари ҳамсоя интиқол меёбад.

Мақолаҳои боқимонда...

Категорияҳои дигари ин бахш

Категорияҳои дигари ин бахш