Дирӯз дар толори калони раёсати Донишгоҳи давлатии Хуҷанд ба номи академик Бобоҷон Ғафуров бахшида ба солгарди қабули Конститутсияи Ҷумҳурии Тоҷикистон конференсияи илмӣ-амалии зери унвони “Конститутсияи Ҷумҳурии Тоҷикистон поягузори давлатдории муосири миллӣ” бо иштироки устодону донишҷӯён ташкил ва баргузор гардид.

Ректори донишгоҳ, профессор Усмонзода Аюб Ислом ба конференсия ҳусни ифтитоҳ бахшида, зикр дошт, ки дар таърихи халқи тоҷик санаи 6 ноябри соли 1994 – Рўзи қабули Конститутсияи Ҷумҳурии Тоҷикистон ҳамчун рӯзи муқаддас ва оғози марҳилаи комилан нави давлату давлатдории тоҷикон дар саҳифаҳои таърихи Тоҷикистони соҳибистиқлол бо ҳарфҳои заррин сабт гардидааст, ки ҳамасола ин рӯзро тамоми мардуми Тоҷикистон бо ифтихору шукргузорӣ ҳамчун иди миллӣ истиқбол менамоянд.

1 ноябри соли 2023 дар маҷмааи варзишии Донишгоҳи давлатии ҳуқуқ, бизнес ва сиёс­ати Тоҷикистон марос­ими кушодашавии мусо­биқаи ҷумҳуриявӣ оид ба волейбол байни бонувон баргузор шуд.

Дар расми ифтитоҳи чорабинии варзишӣ ре­ктори донишгоҳ Муъмин Шарифзода, намоянд­аи Кумитаи кор бо ҷа­вонон ва варзиши наз­ди Ҳукумати Ҷумҳурии Тоҷикистон Манучеҳр Давлатов, сардори раёсати кор бо ҷаво­нон ва варзиши вилоя­ти Суғд Бахтиёр Исма­тҷонов иштирок ва баромад намуданд.

Зикр шуд, ки мусоби­қаи мазкур ба муноси­бати Рӯзи Конститутс­ия дар асоси нақша-ч­орабиниҳои Кумитаи кор бо ҷавонон ва вар­зиши назди Ҳукумати Ҷумҳурии Тоҷикистон 1 ноябр оғоз шуда, то 5 ноябр идома меёб­ад.