Дар асоси нақшаи чорабиниҳои мақомоти иҷроияи ҳокимияти давлатии вилоят бахшида ба Рӯзи Қувваҳои Мусаллаҳи Ҷумҳурии Тоҷикистон дар шаҳру ноҳияҳо тадбирҳои зарурӣ амалӣ карда мешавад.
Дар доираи таҷлили Рӯзи Қувваҳои Мусаллаҳ чорабиниҳои гуногун, аз қабили ҳамоишҳо, семинару мизҳои мудаввар ва озмуну мусобиқаҳои ҳарбӣ- варзишӣ бо иштироки ҷавонони синни даъватӣ ва сарбозону сержантон ташкил ва баргузор гардида истодаанд.
Дар ин радиф, бо дастгирии Раиси вилояти Суғд Раҷаббой Аҳмадзода ва ташаббуси Раёсати кор бо ҷавонон ва варзиши вилоят дар толори варзишии тирпаронии шаҳри Хуҷанд мусобиқаи варзишӣ оид ба тирпаронӣ бо ҷавонони синни даъватӣ баргузор гардид, ки дар он беш аз 100 нафар иштирок намуданд.
Ҳадаф аз баргузории мусобиқаи мазкур пеш аз ҳама баланд бардоштани ҳисси ватандӯстӣ ва ифтихори миллии ҷавонон, пешгирии шомилшавии онҳо ба ҳаргуна ҳизбу ҳаракатҳои иртиҷоӣ ва ҷалб намудан ба варзиш ва таҳкими тарзи ҳаёти солим мебошад.
