Форуми байналмилалии сайёҳии "Суғд чорроҳаи бузурги Шоҳроҳи Абрешим”

Азназаргузаронӣ: 1229

12 апрел дар шаҳри Гулистони вилояти Суғд Форуми байналмилалии сайёҳии "Суғд чорроҳаи бузурги Шоҳроҳи Абрешим” баргузор гардид. 

Дар кори Форум муовини Раиси вилоят Суғд Анвар Яъқубӣ, муовини якуми раиси Кумитаи рушди сайёҳӣ Рустам Холматиён, муовинони раисони вилоятҳои Фарғона ва Намангони Ҷумҳурии Узбекистон, намояндагони созмонҳои байналмилалӣ, ассотсиатсияҳои тиҷоратӣ, бонкҳо, ширкатҳои сайёҳӣ ва тарабхонаҳо аз Ҷумҳуриҳои Қазоқистон, Узбекистон, Тоҷикистон ва Федератсияи Россия иштрок доштанд.

Форуми мазкур бо мақсади муҳокимаи омилҳои асосӣ барои рушди хизматрасонӣ дар субъектҳои хизматрасонии сайёҳӣ, ҷалби мизоҷон, менеҷмент ва идоракунӣ, мубодилаи таҷриба бо мутахассисони соҳа дар Осиёи Марказӣ ва Русия ва таҳияи барномаҳои таълимӣ барои баланд бардоштани самаранокии корпоративӣ баргузор карда шуд. 

Дар Хуҷанд клиникаи муосири оилавии 1+1 ифтитоҳ гардид

Азназаргузаронӣ: 1512

Дар доираи сафари кории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шаҳру ноҳияҳои вилояти Суғд дар маҳаллаи “Бофанда”-и шаҳри Хуҷанд клиникаи оилавии 1+1 бо фарогирии беҳтарин шароити хизматрасонии тиббӣ ба аҳолӣ мавриди баҳрабардории умум қарор дода шуд.

Дар маросими ифтитоҳи иншоот Ҷамолиддин Абдуллозода, вазири тандурустӣ ва ҳифзи иҷтимоии аҳолии Ҷумҳурии Тоҷикистон, роҳбари гурўҳи корӣ дар шаҳри Хуҷанд оид ба 35-солагии Истиқлоли давлатии Ҷумҳурии Тоҷикистон, Анвар Яъқубӣ, муовини Раиси вилояти Суғд ва раиси шаҳри Хуҷанд Фирдавс Шарифзода  ширкат варзиданд.

Иттилоъ дода шуд, ки клиникаи муосири оилавии 1+1 бо дастгирии соҳибкори маҳаллӣ Хуршед Носиров ва иқдоми табиби ҷавон Абдуҳафиз Шукуров дар ҳамкорӣ бо шарикон аз Федератсияи Русия таъсис дода шуда, ҳадаф пеш аз ҳама баланд бардоштани сатҳи хизматрасонии тиббӣ дар шаҳри Хуҷанд мебошад.

Маҷмааи таърихиву фарҳангии “Қалъаи Хуҷанд”

Азназаргузаронӣ: 3739

11 апрели соли 2024 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон “Қалъаи Хуҷанд”-ро баъди эҳё ва барқарорсозӣ мавриди баҳрабардорӣ қарор доданд.

Тадбирҳои марбут ба эҳё ва барқарорсозии Қалъаи Хуҷанд дар ҷойи таърихии ин мероси гаронбаҳои бостонии халқи тоҷик бо ибтикору ҳидояти бевоситаи Президенти Ҷумҳурии Тоҷикистон муҳтарам Эмомалӣ Раҳмон дар давоми 6 сол бо сатҳу сифати баланд амалӣ гардид.  

Маврид ба таъкид аст, ки пеш аз оғози корҳои лоиҳакашӣ дар самти эҳё ва барқарорсозии Қалъаи Хуҷанд бо ҷалби мутахассисони Вазорати фарҳанг, Кумитаи меъморӣ ва сохтмон, бостоншиносону таърихнигорон ва этнографҳо дар ҷойи иншоот корҳои археологӣ, муҳандисӣ, топографӣ, геологӣ ва ҳафриёту таҳқиқоти илмию амалӣ гузаронида шуда, хулосаҳои амиқ ва дақиқ пешниҳод гардиданд. Бо ҳамин тартиб дар асоси пешниҳоди олимону мутахассисон корҳои эҳё ва барқарорсозии қалъа сурат гирифта, нишонаҳои таърихии ин ёдгории қадимӣ пурра ҳифз карда шуд.

Мақолаҳои боқимонда...

Категорияҳои дигари ин бахш

Категорияҳои дигари ин бахш