Ифтитоҳи бинои МТМУ№5-и деҳаи Дарғи ноҳияи Айнӣ

Азназаргузаронӣ: 1641

Дар доираи сафари кории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба вилояти Суғд дар деҳаи Дарғи ноҳияи Айнӣ бинои МТМУ№5-и ба номи Наврӯз Восиев баъди навсозӣ ба истифода дода шуд.

Дар маросими ифтитоҳи иншооти соҳаи маориф намояндагони Ҳукумати Ҷумҳурии Тоҷикистон, роҳбарияти мақомоти ижроияи ҳокимияти давлатии вилояти Суғд ва ноҳияи Айнӣ иштирок намуданд.

Тибқииттилои масъулин бинои муассиса соли 1990 сохта шуда, бо гузашти солҳо ба таъмиру навсозӣ ниёз дошт. Дар доираи сиёсати маорифпарваронаи Сарвари давлат муҳтарам Эмомалӣ Раҳмон бо иқдоми соҳибкорони ватандӯст ва сокинони меҳнатқарини деҳаи Дарғ бинои муассиса пурра навсозӣ шуда, дар он шароити муосири донишандӯзӣ фароҳам оварда шудааст.

Роҳпаймоии ҷавонону варзишгарони вилоят бахшида ба Рӯзи Президенти Ҷумҳурии Тоҷикистон

Азназаргузаронӣ: 1035

Имрӯз, 16 ноябр дар маркази вилоят-шаҳри Хуҷанд роҳпаймоии ҷавонону варзишгарони вилояти Суғд таҳти унвони "Бо Президентам ифтихор дорам!" баргузор шуд, ки дар он ҳазорҳо нафар иштирок намуданд.

Ҷавонону варзишгарон бо ҷонибдорӣ аз сисёсати пешгирифтаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз назди Маҷмааи таърихию фарҳангии «Истиқлол» то назди Театри мазҳака ва мусиқии ба номи Камоли Хуҷандӣ роҳпаймоӣ карданд.

Бояд гуфт, ки Пешвои муаззами миллат муҳтарам Эмомалӣ Раҳмон дар даврони Истиқлоли давлатии Тоҷикистон ҳамчун сиёсатмадори сатҳи ҷаҳонӣ бо мавқеи устувор ва матонати беназир, посдории таърих ва тамаддун, фарҳанги куҳанбунёди давлату миллатамон, на танҳо халқи тоҷикро ба оромию осоиштагӣ расониданд, балки дар ваҳдату суботи тамоми минтақа саҳми бузург ва беназир гузоштанд.

Ба истифода додани коргоҳҳои қолинбофии дастӣ ва коркарди меваи хушк дар деҳаи Дарғи ноҳияи Айнӣ

Азназаргузаронӣ: 1565

Дар доираи сафари кории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба вилояти Суғд дар деҳаи Дарғи ноҳияи Айнӣ коргоҳҳои қолинбофии дастӣ ва коркарди меваи хушк ба истифода дода шуд.

Дар маросими ифтитоҳи иншоот намояндагон аз Ҳукумати Ҷумҳурии Тоҷикистон, Раиси вилояти Суғд Раҷаббой Аҳмадзода ва роҳбарияту сокинони ноҳия иштирок намуданд.

Иншоот бахшида ба 35-солагии Истиқлоли давлатии Ҷумҳурии Тоҷикистон ва дар доираи солҳои 2022-2026 “Солҳои рушди саноат” аз тарафи соҳибкори маҳаллӣ Саидмурод Давлатов дар масоҳати 525 метри мураббаъ бунёд карда шудааст. Бинои навбунёд аз се ошёна иборат мебошад ва дар ошёнаи якум коргоҳи қолинбофии дастӣ ташкил гардидааст. Коргоҳ дорои 16 дастгоҳи қолинбофӣ мебошад ва 40 нафар занону духтарони деҳаи Дарғ бо ҷойи кори доимӣ таъмин мебошанд. Дар оянда шумораи коргарон ба 60 нафар расонида мешавад. Тибқи нақша минбаъд дар ҳудуди иншоот ҳамчунин коргоҳи коркарди пашм ва истеҳсоли риштаи абрешимӣ барои қолинбофӣ ташкил карда мешавад.

Мақолаҳои боқимонда...

Категорияҳои дигари ин бахш

Категорияҳои дигари ин бахш