Дар Донишгоҳи давлатии ҳуқуқ, бизнес ва сиёсати Тоҷикистон дар вилояти Суғд Ҳафтаи дарҳои кушод ҷамъбаст шуда, ғолибони олимпиада байни хатмкунандагон дар вазъияти тантанавӣ қадршиносӣ гардиданд.

Зимни Ҳафтаи дарҳои кушод хатмкунандагони шаҳру ноҳияҳои вилоят ба донишгоҳ омада, дастовардҳои устодону донишҷӯёнро тамошо ва дар дарсҳои намунавии устодон иштирок намуданд, бо шароиту имконияти Маркази таҳсилоти рақамии донишгоҳ ва дигар биноҳои таълимии ин муассисаи бонуфузи касбии олӣ шинос шуданд.

Дар маросими қадршиносии ғолибони олимпиада байни хатмкунандагон иброз гардид, ки мақсад аз ташкили Ҳафтаи дарҳои кушод ва олимпиада байни хатмкунандагон- ҷалби хатмкунандагон ба омӯзиши илму дониш ва ба касбомӯзӣ фаро гирифтани онҳо мебошад.

4 марти соли 2024 дар асоси нақшаи чорабиниҳои мақомоти иҷроияи ҳокимияти давлатии вилоят дар арафаи таҷлили Рӯзи Модар мусобиқаи вилоятӣ оид ба шоҳмот байни занону бонувон барои дарёфти Ҷоми Раиси вилояти Суғд баргузор гардид.

Дар чорабинии варзишӣ, ки дар толори муассисаи таҳсилоти миёнаи умумии №28-и шаҳри Хуҷанд доир шуд, беш аз 50 нафар шоҳмотбозони беҳтарини шаҳру ноҳияҳои вилоят иштирок ва байни ҳам қувва озмуданд 

Дар натиҷа ҷойи сеюм насиби варзишгар аз ноҳияи Зафаробод Толибова Диллола, ҷойи дуюм насиби варзишгар азшаҳри Хуҷанд Музаффарова Сафияхон ва ҷойи аввал ва Ҷоми Раиси вилояти Суғд насиби варзишгар аз ноҳияи Ҷаббор Расулов Рухшона Саидова гардид. 

Дар маросими ҷамъбасти мусобиқаи мазкур масъулини Раёсати кор бо ҷавонон ва варзиши вилоят ва Раёсати кор бо занон ва оилаи вилоят иштирок намуда, иштирокчиёни чорабиниро бо Рӯзи Модар табрик намуданд.