Таҳти унвони «Роҳу усулҳои муосири баланд бардоштани маърифати ҳуқуқии шаҳрвандон» семинар доир шуд

Азназаргузаронӣ: 923

17 апрели соли 2024 бо мақсади таъмини иҷрои фармони Президенти Ҷумҳурии Тоҷикистон аз 30 декабри соли 2023, №668 «Дар бораи соли маърифати ҳуқуқӣ» эълон намудани соли 2024 ва Амри Президенти Ҷумҳурии Тоҷикистон аз 18 марти соли 2024, №АП-533 бо ташаббуси Раёсати адлияи вилояти Суғд якҷо бо мақомоти иҷроияи ҳокимияти давлатии вилояти Суғд дар толори маҷлисгоҳи шуъбаи асноди ҳолати шаҳрвандии Раёсати адлияи вилоят семинари машваратӣ таҳти унвони «Роҳу усулҳои муосири баланд бардоштани маърифати ҳуқуқии шаҳрвандон» баргузор гардид.

Дар семинар муовини Раиси вилояти Суғд Даврон Зоҳидзода, роҳбарони мақомоти ҳифзи ҳуқуқ, ҳокимияти судӣ, кормандони дастгоҳи Раёсати адлия, раиси Шӯрои уламои дини вилоят, сардори Раёсати маорифи вилоят, устодони факултаи ҳуқуқшиносии Донишгоҳи давлатии ҳуқуқ, бизнес ва сиёсати Тоҷикистон, муовинони раисони шаҳру ноҳияҳо (сарпарасти соҳаи идеологӣ), сармутахассис-ҳуқуқшиносони мақомоти иҷроияи ҳокимияти давлатии шаҳру ноҳияҳои вилоят, мудирони шуъбаи кор бо занон ва оила, ҷавонон, дин, танзиму анъана ва ҷашну маросимҳои шаҳру ноҳияҳои вилоят иштирок доштанд.

Аз хизматҳои устод Садриддин Айнӣ ёдоварӣ шуд

Азназаргузаронӣ: 1111

Бахшида ба зодрӯзи Қаҳрамони Тоҷикистон, сардафтари адабиёти муосири тоҷик, устод Садриддин Айнӣ дар ноҳияи Айнӣ чорабинии идона доир гардид. 

Нахуст аз ҷониби роҳбарияти ноҳия дар назди муҷассамаи устод Айнӣ дастагули муаттар гузошта шуд. 

Дар чорабинӣ қайд гардид, ки хидмати ҷоннисорона ва миллатдӯстонае, ки устод Садриддин Айнӣ барои нигоҳ доштан ва ривоҷи забону адабиёт, таърихи фарҳангамон ва умуман тарбияи таърихнигорон, рӯзноманигорон, шоирону нависандагон ва арбобони давлати ҷавони тоҷик кардааст, қобили ҳама гуна қадршиносӣ аст.

Форуми байналмилалии сайёҳии "Суғд чорроҳаи бузурги Шоҳроҳи Абрешим”

Азназаргузаронӣ: 1176

12 апрел дар шаҳри Гулистони вилояти Суғд Форуми байналмилалии сайёҳии "Суғд чорроҳаи бузурги Шоҳроҳи Абрешим” баргузор гардид. 

Дар кори Форум муовини Раиси вилоят Суғд Анвар Яъқубӣ, муовини якуми раиси Кумитаи рушди сайёҳӣ Рустам Холматиён, муовинони раисони вилоятҳои Фарғона ва Намангони Ҷумҳурии Узбекистон, намояндагони созмонҳои байналмилалӣ, ассотсиатсияҳои тиҷоратӣ, бонкҳо, ширкатҳои сайёҳӣ ва тарабхонаҳо аз Ҷумҳуриҳои Қазоқистон, Узбекистон, Тоҷикистон ва Федератсияи Россия иштрок доштанд.

Форуми мазкур бо мақсади муҳокимаи омилҳои асосӣ барои рушди хизматрасонӣ дар субъектҳои хизматрасонии сайёҳӣ, ҷалби мизоҷон, менеҷмент ва идоракунӣ, мубодилаи таҷриба бо мутахассисони соҳа дар Осиёи Марказӣ ва Русия ва таҳияи барномаҳои таълимӣ барои баланд бардоштани самаранокии корпоративӣ баргузор карда шуд. 

Мақолаҳои боқимонда...

Категорияҳои дигари ин бахш

Категорияҳои дигари ин бахш