Бо мақсади тарғибу ташвиқи тарзи ҳаёти солим, оммавӣ гардонидани варзиш, ҷалби аҳолӣ ба машғулиятҳои тарбияи ҷисмонӣ ва варзиш бо ташаббуси Раёсати кор бо ҷавонон ва варзиши вилояти Суғд дар ҳамкорӣ бо Федератсияи футболи вилояти Суғд аз 22 июн то 6 июли соли 2024 дар майдончаи варзишии Федератсияи футболи вилоят, воқеъ дар шаҳри Хуҷанд мусобиқаи вилоятӣ аз рӯи намуди футболи хурд байни кормандони ташкилоту идора ва корхонаву муассисаҳои вилоят ташкил ва баргузор гардид.

Дар мусобиқаи мазкур 10 дастаи пурқуввати вилоят иштирок намуда, тӯли се ҳафта байни ҳам қувва озмуданд.

 6 июли соли ҷорӣ бозӣ барои ҷойи сеюм байни дастаҳои Донишгоҳи давлатии ҳуқуқ, бизнес ва сиёсати Тоҷикистон ва Сарраёсати Вазорати молияи ҶТ дар вилоят доир гардид, ки дар натиҷа ба фоидаи ДДҲБСТ поён ёфт. 

Бо мақсади шарҳи Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олӣ, қонунҳои нав таҳиягардида ва дигар масоили рӯзмарра силсилаи мулоқоти вакилони Маҷлиси вакилони халқи вилоят оғоз гардид.

Нахуст чунин вохўрӣ дар беморхонаи №2 шаҳри Хуҷанд бо вакили Маҷлиси вакилони халқи вилояти Суғд аз ҳавзаи интихоботии «Бофанда»-и шаҳри Хуҷанд Саодат Аминҷонова бо интихобкунандагони ҳавзаи мазкур баргузор гардид.

Иттилоъ дода шуд, ки санаи 20-уми июни соли равон Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба 35 қонун, аз ҷумла қонунҳои Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон», «Дар бораи масъулият барои таълиму тарбияи кӯдак» имзо гузоштанд.