Истаравшан. Бинои нави таълимӣ ва синфхонаҳои иловагӣ ба истифода дода шуд

Азназаргузаронӣ: 904

5 сентябри соли ҷорӣ дар доираи таҷлили ҷашни Истиқлоли давлатии Ҷумҳурии Тоҷикистон ва соли нави хониш бо иштироки роҳбари гуруҳи корӣ, Раиси Суди конститутсионии Ҷумҳурии Тоҷикистон Абдулҳафиз Ашурзода, Вазири маориф ва илми Ҷумҳурии Тоҷикистон Раҳим Саидзода, муовини Раиси вилояти Суғд Даврон Зоҳидзода дар деҳаи Куҳандижи деҳоти “Зарҳалол” бинои нави таълимӣ мавриди истифода қарор дода шуд.

Бинои мазкур аз 10 синфхона, хонаи омузгорон, утоқи корӣ ва китобхона бо толори хониш иборат буда, барои 480 хонанда дар ду баст пешбинӣ шудааст.

Дар бинои нави таълимӣ ҳамаи шароит, аз ҷумла бо назардошти кабинетҳои фаннӣ барои таҳсил муҳайё карда шудааст.

«МЕРОСИ ХАТТИИ ТОҶИКОН». Таҳти ин унвон дар «Қалъаи Хуҷанд» намоиши нусхаҳои нодири дастнависҳо ифтитоҳ ёфт

Азназаргузаронӣ: 827

3 сентябр дар Маҷмааи таърихиву фарҳангии «Қалъаи Хуҷанд» ба ифтихори ҷашни 33-солагии Истиқлоли давлатии Ҷумҳурии Тоҷикистон ва Рӯзи китоб (4 сентябр) таҳти унвони «Мероси хаттии тоҷикон» намоиши муштараки Осорхонаи миллии Тоҷикистон ва Осорхонаи таърихии вилояти Суғд ифтитоҳ гардид. Намоиши мазкур то 20 сентябр идома меёбад. Дар ин хусус ба АМИТ «Ховар» сардори шуъбаи методӣ ва омода намудани кадрҳои илмии Осорхонаи миллии Тоҷикистон Алишер Зарипов иттилоъ дод.

Зимни ифтитоҳи намоиш директори Осорхонаи миллӣ Зафаршо Иброҳимзода, Омири кулли Маҷмааи таърихиву фарҳангии «Қалъаи Хуҷанд» Иброҳим Иброҳимов ва намояндаи раёсати фарҳанги вилоят доир ба аҳамияти мероси хаттии тоҷикон ва ҳифзу муаррифии шоистаи онҳо сухан намуданд.

Дар намоиш аз фонди тиллоии Осорхонаи миллии Тоҷикистон ва Осорхонаи таърихии вилояти Суғд зиёда аз 30 нусхаи нодири дастнавис ва чопи сангие, ки фарогири мавзуъҳои гуногуни таърихӣ- ирфонӣ, адабӣ ва фиқҳи ҳанафӣ мебошанд, инчунин намунаҳои гуногуни ҳунари хушнависӣ аз ашъори классикони форсу тоҷик, ки аз ҷониби хаттоти чирадасти тоҷик Комилҷон Саидолим китобат шудаанд, ба маърази тамошо гузошта шуданд.

Ситоди вилоятии «Ҳосил-2024» таъсис дода шуд

Азназаргузаронӣ: 1121

Бо мақсади сари вақт ва беталаф ҷамъоварӣ намудани ҳосили пахта ва ҳамоҳангсозии фаъолияти идора, ташкилоту муассисаҳои вилоятӣ бо мақомоти иҷроияи ҳокимияти давлатии шаҳру ноҳияҳо Ситоди вилоятии «Ҳосил-2024» таъсис дода шуд. Дар ин бора қарори дахлдори Раиси вилояти Суғд ба имзо расид.

Тибқи ин қарор раисони шаҳру ноҳияҳо вазифадор шудаанд, ки корҳои омодагии хоҷагиҳои пахтакорро ба мавсими имсола баррасӣ ва бошишгоҳҳои саҳроиро омода намоянд. 

Сарраёсати кишоварзии вилоят вазифадор шудааст, ки барои ҳавасманд гардонидани пахтакорон дар давраи ҳосилғундорӣ мусобиқаи меҳнатӣ ташкил карда, ғолибонро бо туҳфаҳо сарфароз гардонад.

Мақолаҳои боқимонда...

Категорияҳои дигари ин бахш

Категорияҳои дигари ин бахш