Тибқи нақшаи кории мақомоти иҷроияи ҳокимияти давлатии ноҳияи Зафаробод 8 августи соли ҷорӣ дар деҳаи Сурхоби Ҷамоати шаҳраки Меҳнатобод мулоқоти раиси ноҳияи Зафаробод Исмоилзода Зуфар Муртазохон ва роҳбарони сохторҳои ҳифзи ҳуқуқ- прокурори ноҳия Мадохирзода Шавкат ва сардори Шӯъбаи Вазорати корҳои дохилии Ҷумҳурии Тоҷикистон дар ноҳияи Зафаробод Идизода Баҳодур бо аҳолии деҳаҳои Сурхоб ва Баҳористон баргузор гардид. 

Дар мулоқот оид ба иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бобати пешгирӣ намудани ҷавонон аз амалҳои ношоиста, вусъати корҳои ободонию бунёдкорӣ, ҳамзамон, тавзеҳи қонунҳо ва тағйиру иловаҳо ба Кодекси ҷиноятӣ ва Кодекси ҳуқуқвайронкунии маъмурӣ сухан гуфта шуд.

Имрӯз дар вилояти Суғд ҷаласаи Гурӯҳи корӣ оид ба ташкили амалиёти зиддимухаддиротӣ ва дигар самтҳои фаъолият дар доираи Шурои ҳамоҳангсозии роҳбарони мақомоти ваколатдор оид ба муқовимат ба муомилоти ғайриқонунии маводи нашъаовари давлатҳои аъзои Созмони Аҳдномаи амнияти дастҷамъӣ баргузор гардид. Дар ин хусус ба АМИТ «Ховар» дар Агентии назорати маводи нашъаовари назди Президенти Ҷумҳурии Тоҷикистон хабар доданд.

Дар ҷаласа намояндагони Котиботи Созмони Аҳдномаи амнияти дастҷамъӣ, мақомоти зиддимухаддиротии ҷумҳуриҳои Беларус, Қазоқистон, Қирғизистон, Тоҷикистон, ва Федератсияи Русия, инчунин Росфинмониторинг иштирок намуданд.