Майдони байни микроноҳияҳои 8-12-и шаҳри Хуҷанд ба гулгашт мубаддал мегардад

Азназаргузаронӣ: 917

Бо ибтикори мақомоти иҷрои ҳокимияти давлатии шаҳри Хуҷанд бахшида ба 35 - солагии Истиқлоли давлатӣ майдони байни микроноҳияҳои 8-12-и шаҳр ба гулгашт табдил дода мешавад.

Субҳи рӯзи 5 январ бо ин мақсад зиёда аз 300 бех ниҳолҳои ҳамешасабз аз ҷониби кормандони Муассисаи гулпарварӣ ва кабудизкоркунии шаҳри Хуҷанд мутобиқ ба талаботи агротехникӣ шинонида шуданд.

Дар ояндаи наздик бо мақсади фароғату истироҳати шаҳрвандон ин мавзеъ боз ҳам ободу зебо гардонида шуда, дар ҳудуди он роҳҳои пиёдагард, чароғпояҳо, нишастгоҳҳо ташкил карда мешавад.

Мастчоҳ: Оғози сохтмони беморхонаи наву замонавӣ

Азназаргузаронӣ: 1071

Дар ноҳияи Мастчоҳ дар партави дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дастгириҳои пайвастаи Раиси вилояти Суғд Раҷаббой Аҳмадзода бинои нави Беморхонаи марказии ноҳия сохта ба истифода дода мешавад.

Иншооти сохташаванда дар доираи корҳои ободониву созандагии ноҳия ба истиқболи сазовори ҷашни 35-солагии Истиқлоли давлатии Ҷумҳурии Тоҷикистон ба нақша гирифта шудааст.

Иншооти нав дар ҳудуди Беморхонаи марказии ноҳияи Мастчоҳ сохта шуда, он аз 4 ошёна ва таҳхона иборат хоҳад буд. 

Дар беморхона ҳамчунин барои қабули беморон 8 шуъба ва 250 кат пешбинӣ шудааст.

Омӯзгори Донишкадаи политехникӣ барандаи Ҷоизаи Б. И. Тихомиров гардид

Азназаргузаронӣ: 1226

Омӯзгори калони кафедраи сохтмони Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд, номзади илмҳои техникӣ Далер Орипов барандаи ҷоизаи Б.И. Тихомиров дар самти сохтмони саноатӣ ва лоиҳакашӣ дар соли 2023 гардид.

Дар маросими ҷоизасупорӣ Президенти Ҷумҳурии Тотористон Рустам Миннихонов, муовини вазири сохтмон ва хоҷагии манзилию коммуналии Федератсияи Русия Сергей Музиченко, ректори Донишгоҳи давлатии сохтмонии Маскав Павел Акимов, роҳбарияти Корпоратсияи давлатии «Ростех», ҶСК «Технодинамика» ва дигарон иштирок доштанд.

Иттилоъ дода шуд, ки аз рӯи ҷамъбасти озмун дотсентони кафедраи конструксияҳои металлӣ ва озмоиши конструксияҳои Донишгоҳи давлатии меъморию сохтмонии шаҳри Қазон Марат Салоҳитдинов, Линур Гимранов ва дотсенти Донишкадаи политехникии Донишгоҳи техникии Тоҷикистон ба номи академик Далер Орипов дар номинатсияи «Барои ҷорӣ намудани технологияҳои пешқадам ва ҳалли инноватсионалӣ” бо лоиҳаи «Коркарди конструксияхои борбардори бино аз профилҳои нахи шишагин» ғолибият ба даст оварданд.

Мақолаҳои боқимонда...

Категорияҳои дигари ин бахш

Категорияҳои дигари ин бахш