1 апрели соли 2024 дар майдони Нишони давлатӣ дар ноҳияи Зафаробод бо иштироки роҳбарияти ноҳия, роҳбарони сохторҳои ҳифзи ҳуқуқ, аъзои шӯрои ҷанговарони интернатсионалист ва барқароркунандагони сохти конститутсионӣ, собиқадорон, сарбозон ва роҳбарони корхонаю муассисаҳо маросими гусели даъватшавандагон баргузор гардид.
Дар чорабинӣ таъкид гардид, ки дар заминаи таваҷҷуҳ ва дастгириҳои бевоситаи Сарфармондеҳи Олии Қувваҳои Мусаллаҳи Ҷумҳурии Тоҷикистон, Президентии Ҷумҳурии Тоҷикистон муҳтарам Эмомалӣ Раҳмон сол то сол шароити хизмат дар қисмҳои ҳарбии мамлакат беҳтару хубтар мегардад. Дар маросими гусел падару модарони наваскарон, ҷавонон ва даъватшавандагон иштирок ва суханронӣ намуда, хизмат ба Ватанро қарзи фарзандӣ ва шаҳрвандӣ арзёбӣ карданд.
1 апрел дар Майдони Парчами давлатӣ дар шаҳри Панҷакент бо мақсади иҷрои Фармони Президенти Ҷумҳурии Тоҷикистон аз 5 марти соли 2024, №791 «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1997-2006 ба сафи Қувваҳои Мусаллаҳи Ҷумҳурии Тоҷикистон ба хизмати ҳарбӣ» маросими гусели нахустин гурӯҳи даъватшавандагон ба хидмати Модар – Ватан баргузор шуд.
1 апрел назди майдони Нишони давлатии Ҷумҳурии Тоҷикистон дар шаҳри Гулистон маросими гусели ботантанаи даъватшавандагон ба сафи Қувваҳои Мусаллаҳи Ҷумҳурии Тоҷикистон баргузор гардид.
