30 августи соли равон дар назди Гимназияи №3-и деҳаи Қалъачаи Бакавули шаҳри Истаравшан бинои иловагии таълимӣ бо 240 ҷойи нишаст дар ду баст мавриди истифода қарор гирифт.

Бинои мазкур барои синфҳои ибтидоӣ пешбинӣ шуда, бо дастгирии кумитаи падару модарон, соҳибкорони маҳаллӣ ва суратҳисоби махсуси муассисаи таълимӣ бо харҷи беш аз 800 ҳазор сомонӣ ва шароити ба талабот ҷавобгӯ бунёд гардидааст.

Зимни суҳбат бо сокинон миннатдории роҳбарияти шаҳр барои татбиқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти рушди соҳаи маориф баён карда шуд.

Мувофиқи маълумоти расмии оморӣ дар ҷамъбасти нимсолаи якуми соли 2024-ум нишондиҳандаи кўтоҳмуҳлати рушди вилоят ба 16 млрд. 217,5 млн. сомонӣ ва суръати афзоиш ба 108,2 дарсад баробар гардида, саҳми он дар Маҷмўи маҳсулоти дохилии кишвар 26,3 дарсадро ташкил додааст.

Афзоиши нишондиҳандаи мазкур дар ин давра асосан аз ҳисоби зиёд гардидани ҳаҷми истеҳсоли маҳсулоти саноатӣ 10,1 дарсад, кишоварзӣ 13,1 дарсад, гардиши савдои чакана 9,6 дарсад, хизматрасониҳои пулакӣ 3,5 дарсад ва ғайра таъмин гардид.

Дар натиҷаи чораю тадбирҳои андешида ва дар заминаи рушди иқтисодиёти вилоят, иҷрои нақшаи қисми даромади буҷети умумии вилоят (бо назардошти андози иҷтимоии ғайрибуҷетӣ) дар нимсолаи якуми соли 2024-ум ба андозаи 103,6 дарсад таъмин ва ба буҷети давлатӣ 2 млрд. 707,7 млн. сомонӣ ворид карда шуд. Воридоти маблағ нисбат ба нақшаи таҳрезишуда 93,3 млн. сомонӣ ва нисбат ба соли қаблӣ 293,4 млн. сомонӣ ё 12,2 дарсад зиёд мебошад.