Дар Раёсати Вазорати корҳои дохилии вилояти Суғд даври вилоятии озмуни «Беҳтарин корманди оперативӣ» ҷамъбаст гардид. 

Дар озмун 24 корманди самти оперативии дастгоҳи марказии раёсат ва шуъбаҳои Вазорати корҳои дохилӣ дар шаҳру ноҳияҳои вилоят, ки дар даври минтақавӣ беҳтарин ҳисобида шуданд, иштирок намуданд.

Озмуни «Беҳтарин корманди оперативӣ» аввал дар минтақаҳо ва баъдан дар сатҳи вилоят доир шуд. Дар ҷараёни озмун ба малакаю маҳорати оперативии кормандон, ки бо донишҳои назариявию амалӣ мустаҳкам гардидааст, баҳо гузошта шуда, беҳтаринҳо муайян карда мешаванд.

Дар даври вилоятии озмуни «Беҳтарин корманди оперативӣ»-и мақомоти корҳои дохилӣ дар вилояти Суғд, ки асосан ҷавонони милитсияи Суғд иштирок намуданд, ҳакамон ба ғолибон тариқи саволу ҷавоб баҳо гузоштанд.

24 сентябр дар хиёбони ба номи Раҳмон Набиеви шаҳри Хуҷанд маросими савгандёдкунии курсантони курси якуми факултети 4-уми Академияи Вазорати корҳои дохилии Ҷумҳурии Тоҷикистон баргузор гардид.

Дар чорабинӣ муовини Раиси вилояти Суғд Даврон Зоҳидзода курсантони факултаи 4-уми Академияи Вазорати корҳои дохилии Ҷумҳурии Тоҷикистонро бо маросими садоқату вафодории савгандёдкунии ҳарбӣ аз номи Раиси вилояти Суғд, муовини якуми Раиси Маҷлиси миллии Маҷлиси Олии Ҷумҳурии Тоҷикистон Раҷаббой Аҳмадзода табрик намуд. 

Таъкид гардид, ки савганди ҳарбӣ баёнгари садоқат ба Ватану миллат, ба халқи шарифи кишвар ва ба арзишҳои муқаддаси Ватани азизамон Тоҷикистони соҳибистиқлол ба ҳисоб меравад.