Спитамен. Гусели тантанавии даъватшавандагон ба сафи Қувваҳои Мусаллаҳи Ҷумҳурии Тоҷикистон

Азназаргузаронӣ: 954

150 нафар ҷавонони ватандӯсти ноҳияи Спитамен ҷиҳати адои қарзи шаҳрвандӣ ба сафи Қувваҳои Мусаллаҳи Ҷумҳурии Тоҷикистон сафарбар шуданд. Ба ин муносибат дар майдони назди Мақомоти иҷроияи ҳокимияти давлатии ноҳияи Спитамен ҷамъомад доир шуд. 

Ҷамъомади мазкур бо роҳпаймоии ҷавонону наврасон оғоз ёфт ва сипас роҳбарияти ноҳия аз нақши ҷавонон дар таҳкими амнияти миллӣ ва мавқеи онҳо ҷиҳати ҳифзи марзи буми Ватан ёдоварӣ кард. Гуфта шуд, ки хизмат дар сафи Қувваҳои Мусаллаҳи Ҷумҳурии Тоҷикистон масъулият ва қарзи шаҳрвандии ҷавонон буда, ҳимояи сарҳади мамлакат вазифаи ҷонии ҳар ҷавонмард мебошад.

Маврид ба зикр аст, ки Ҷамоати деҳоти Хуррамзамин ва Ҷамоати деҳоти Сарбанд дар ноҳия аввалин шуда нақшаи даъватро иҷро намуданд.

Дар Фестивали байналмилалии ҳунармандӣ - “Озар” маҳсулоти ҳунармандии 19 давлат ба намоиш гузошта шуд

Азназаргузаронӣ: 864

1 октябри соли ҷорӣ бо иштироки аъзои Раёсати Шӯрои умумиҷаҳонии ҳунармандӣ таҳти роҳбарии Президенти созмони мазкур Саад ал-Қаддумӣ дар шаҳри Истаравшан нахустин Фестивали байналмилалии ҳунармандӣ - “Озар” баргузор гардид.

Дар нахустин Фестивали байналмилалии ҳунармандӣ дар шаҳри Истаравшан зиёда аз 250 нафар ҳунарманд аз 19 давлат, аз ҷумла ҷумҳуриҳои Ӯзбекистон, Қирғизистон, Қазоқистон, Туркманистон, Федератсияи Россия, Штатҳои мутаҳидаи Америка, Ҳиндустон, Ҷумҳурии Исломии Эрон, Болгария, Шветсария, Сингапур, Тайланд, Малайзия, Австралия, Ҷумҳурии мардумии Хитой, Зеландияи нав, Кувейт ва шаҳру ноҳияҳои Ҷумҳурии Тоҷикистон ширкат варзиданд.

Иштирокдорон нахуст бо арҷгузорӣ ба таъриху тамаддуни миллати тоҷик ба пояи муҷассамаи Шоҳ Исмоили Сомонӣ гулчамбар гузоштанд.

Истаравшан "Шаҳри ҷаҳонии ҳунармандӣ" эълон гардид

Азназаргузаронӣ: 3197

1 октябри соли ҷорӣ дар доираи баргузории нахустин Фестивали байналмилалии ҳунармандӣ “Озар” Истаравшан расман “Шаҳри ҷаҳонии ҳунармандӣ” эълон гардид.

Дар ин бора Президенти Шӯрои ҷаҳонии ҳунармандӣ ҷаноби Саад ал-Қаддомӣ ва 20 нафар узви Раёсати Шӯрои мазкур, ки 14 давлати дунёро намояндагӣ мекунанд, бо як овоз раъй доданд. 

Дар маросими тантанавӣ, ки бо иштироки зиёда аз 1000 нафар меҳмонон, аз ҷумла наздик 250 нафар меҳмонон аз 19 кишвари дунё дар Қасри фарҳанги шаҳри Истаравшан доир шуд, Президенти Шӯрои ҷаҳонии ҳунармандӣ ҷаноби Саад ал-Қаддомӣ Сертификати “Шаҳри ҷаҳонии ҳунармандӣ” дар самти кордсозиро ба роҳбарияти шаҳри Истаравшан тақдим намуд ва Истаравшан дар як вақт ба узвияти Шӯрои ҷаҳонии ҳунармандӣ пазируфта шуд.

Мақолаҳои боқимонда...

Категорияҳои дигари ин бахш

Категорияҳои дигари ин бахш