Соҳаи тандурустӣ ҳамчун яке аз самтҳои муҳими сиёсати иҷтимоии Ҷумҳурии Тоҷикистон таҳти таваҷҷуҳи доимии Ҳукумати мамлакат қарор дорад. Пешвои миллат муҳтарам Эмомалӣ Раҳмон дар Паёми навбатии худ ба Маҷлиси Олии Ҷумҳурии Тоҷикистон ба натиҷаҳо ва вазифаҳои минбаъдаи соҳа таваҷҷуҳи махсус зоҳир намуда, рушди онро омили калидии таъмини зиндагии шоистаи аҳолӣ арзёбӣ карданд.

Дар Паёми Пешвои миллат таъкид гардид, ки дар даҳ соли охир дар мамлакат аз ҳисоби ҳамаи сарчашмаҳо 1300 иншооти соҳаи тандурустӣ ба маблағи беш аз 5,3 миллиард сомонӣ сохта, ба истифода дода шудааст. Ин нишондиҳандаҳо гувоҳи сиёсати бунёдкоронаи давлат ва талошҳои пайвастаи Ҳукумати Ҷумҳурии Тоҷикистон ҷиҳати беҳтар намудани инфрасохтори соҳаи тандурустӣ дар шаҳру деҳот мебошад.

Дар доираи иқдоми фарҳангии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон шоҳасари безаволи адабиёти классикии тоҷик — «Шоҳнома»-и Ҳаким Абулқосим Фирдавсӣ ба ноҳияи Ҷаббор Расулов расид. Тибқи нақша, ин туҳфаи пурарзиш ба 25 ҳазору 325 хонаводаи ноҳия аз ҷониби гурӯҳи кории Ҳукумати Ҷумҳурии Тоҷикистон тақсим карда мешавад. 

Ин иқдом ба ифтихори 35-солагии Истиқлоли давлатии Ҷумҳурии Тоҷикистон амалӣ гардида, ҳадаф аз он таҳкими ҳувияти миллӣ, эҳёи ҳофизаи таърихӣ, боло бурдани худшиносию ватандӯстӣ ва арҷгузорӣ ба мероси адабӣ ва фарҳангии гузаштагон мебошад.

Сокинони ноҳия ҳангоми дарёфти ин туҳфаи маънавӣ бо эҳсоси ифтихор изҳор доштанд, ки ин иқдоми фарҳангпарваронаи Пешвои миллат муҳтарам Эмомалӣ Раҳмон дар таҳкими худшиносии миллӣ ва эҳёи руҳияи ватандӯстӣ нақши муҳим мегузорад.