Амалиёти «Кӯкнор-2023» гузаронида мешавад

Аз 1 июн то 30 ноябри соли ҷорӣ дар ҳудуди вилояти Суғд амалиёти «Кӯкнор-2023» гузаронида мешавад. 

Барои ташкили кор, назорат ва ҳамоҳангсозии мақомоти дахлдор Ситоди вилоятии амалиёти «Кӯкнор-2023» ташкил гардида, барои гузаронидани амалиёт гуруҳҳои оперативӣ-ҷустуҷӯӣ таъсис дода мешавад.

Идораҳои марбута баҳри пешгирии сӯиистеъмоли маводи нашъаовар ва ҷиноятҳои вобаста ба муомилоти ғайриқонунии маводи нашъадор вазифадор гардида, шӯроҳои ҳамоҳангсозӣ оид ба пешгирии сӯиистеъмоли маводи нашъаовар миёни аҳолӣ чорабиниҳои маҷмӯии пешгирикунанда, таблиғотӣ ва маърифатӣ мегузаронанд.

Савгандёдкунӣ барои садоқат ба Ватан

Шукӯҳу тантанаи гирду атрофи Қасри ҷавонони ба номи Лоиқ Шералии маркази вилоят – шаҳри Хуҷанд беҳудуд буд. Дар маросими савгандёдкунии наваскароне, ки дар даъвати баҳорӣ ба хизмати Модар – Ватан ихтиёрӣ номнавис шудаанд, муовини Раиси вилояти Суғд Даврон Зоҳидзода, комиссари ҳарбии вилоят Мирзозода Давлатшоҳ, сардори Раёсати кор бо ҷавонон ва варзиши вилоят Мирзоқосим  Каримзода роҳбарият ва афсарону сарбозони қисмҳои низомӣ ва падару модарон иштирок ва шоҳиди савгандёдкунии наваскарон шуданд. Чорабинӣ дар фазои меҳру муҳаббати ватандӯстӣ ва хештаншиносӣ ҷараён гирифта, наваскарон матни савганди ҳарбиро бо ифтихори баланд қироат намуданд.

Дар чорабинӣ муовини Раиси вилоят Даврон Зоҳидзода бо сухани табрикӣ баромад намуда, ба наваскарон дар адои иҷрои қарзи ҷавонмардӣ сарбаландиву комёбӣ таманно намуд. Бояд иброз намуд, ки Қувваҳои Мусаллаҳи Ҷумҳурии Тоҷикистони озоду соҳибистиқлол бо истифода аз сабақу корномаҳои гузаштагони некноми хеш ба хотири ҳимояи марзу буми кишвар ва таъмини зиндагии орому осоиштаи сокинони он содиқонаву ҷавонмардона хизмат карда истодаанд.

Захираҳои обӣ дар ҷаҳони муосир: муаммо ва истифодаи самаранок

25 майи соли 2023 дар Донишгоҳи давлатии ҳуқуқ, бизнес ва сиёсати Тоҷикистон конференсияи илмӣ-назариявии байналмилалӣ таҳти унвони «Захираҳои обӣ дар ҷаҳони муосир: муаммо ва истифодаи самаранок» доир шуд. Конференсияи байналмилалӣ бахшида ба Даҳсолаи байналмилалии амал «Об барои рушди устувор, 2018 – 2028» ва эълон гаштани соли 2025 «Соли байналмилалии ҳифзи пиряхҳо» баргузор гардид.

Тибқи иттилои Сино Ғафурӣ, масъули бахши робита бо ҷомеаи донишгоҳ ҳамоиши байналмилалиро ректори Донишгоҳи давлатии ҳуқуқ, бизнес ва сиёсати Тоҷикистон, профессор Шарифзода Муъмин Машокир ифтитоҳ намуда, иброз дошт, ки обшавии пиряхҳо раванди бисёр ҷиддиест, ки онро наметавон бо баргузор кардани чорабиниҳо дар доираи як сол ва ё чандсолаҳо пешгирӣ намуд. Талошҳои зиёд, давомдор ва муштарак, аз ҷумла ҷиҳати пешгирӣ кардани гармшавии ҳарорати ҳаво лозиманд, то ки суръати обшавии пиряхҳо коҳиш дода шавад. -Ҳадафи пешниҳоди эълони Соли ҳифзи пиряхҳо ҷалби таваҷҷуҳи ҷомеаи ҷаҳонӣ ба ин масъалаи мубрам ва муттаҳид сохтани талошҳо барои андешидани чораҳои қатъӣ ҷиҳати коҳиши ин раванд, устувор сохтани ҷомеа ва иқтисоди кишварҳо ба таъсири он мебошад, қайд кардаанд Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон,- илова намуд роҳбари донишгоҳ дар идомаи суханронӣ.

Категорияҳои дигари ин бахш

Категорияҳои дигари ин бахш