Парвариши моҳӣ ва мурғобӣ дар шароити деҳот — иқдоми нав дар шаҳри Панҷакент

Азназаргузаронӣ: 374

Дар деҳоти Сӯҷинаи шаҳри Панҷакент нахустин фермаи парвариши мурғобӣ ба фаъолият оғоз менамояд. Ин иқдом аз ҷониби соҳибкори маҳаллӣ Мурод Ҳасанов бо мақсади рушди соҳаи чорводорӣ ва таъмин намудани бозори истеъмолӣ бо гӯшти парҳезӣ роҳандозӣ шудааст.

Ба иттилои масъулин дар марҳилаи аввал 700 сар мурғобӣ, 10 сар қу ва зиёда аз 3000 моҳӣ парвариш карда мешавад. Бо ин мақсад дар масоҳати 2 гектар замини соҳили дарёи Зарафшон се ҳавзи муосир ташкил гардида, шароити зарурӣ барои афзоиш ва нигоҳдории паррандаву моҳӣ муҳайё шудааст.

Парвариши моҳӣ ва мурғобӣ дар шароити деҳот на танҳо ба афзоиши истеҳсоли гӯшти парҳезӣ мусоидат мекунад, балки имконият фароҳам меорад, ки аҳолии маҳаллӣ бо ҷои кори доимӣ таъмин шаванд.

СУҒД. Ба маблағи 18 миллиарду 834 миллион сомонӣ маҳсулоти кишоварзӣ истеҳсол карда шуд

Азназаргузаронӣ: 183

Дар нуҳ моҳи соли 2025 кишоварзони вилояти Суғд ҷиҳати таъмини рушди соҳа тадбирҳои судманд андешиданд, ки дар натиҷа, дар ҳамаи шаклҳои хоҷагидории вилоят ба маблағи 18 миллиарду 834 миллиону 300 ҳазор сомонӣ маҳсулоти кишоварзӣ истеҳсол карда шуд ва суръати афзоиш нисбати ҳамин давраи соли гузашта 110,0 фоиз таъмин гардид.

Ҳаҷми истеҳсоли маҳсулоти соҳаи чорводорӣ дар ин давра 5 миллиарду 322 миллион 900 ҳазор сомонӣ ва растанипарварӣ 1 миллиарду 351 миллион 140 ҳазор сомониро ташкил намуда, суръати афзоиш мутаносибан 119,5 ва 106,7 фоизро дар бар гирифт. 

Дар давраи ҳисоботӣ истеҳсоли ғалладонагиҳо бо ҷуворимаккаи дон 319 ҳазору 103,9 тонна, аз ҷумла гандум 154 ҳазору 769,9 тоннаро ташкил намудааст. Инчунин, истеҳсоли сабзавот 564 ҳазору 425,1 тонна, аз ҷумла пиёз 193 ҳазору 956,4 тонна, картошка 486 ҳазору 928,9 тонна, полезӣ 152 ҳазору 891,6 тонна, мевагиҳо 236 ҳазору 744,1 тонна, аз ҷумла зардолу 172 ҳазору 823,4 тонна, ангур 59 ҳазору 926,2 тонна ва зироатҳои хӯроки чорво 362 ҳазору 333,2 воҳиди хӯрока ба ҳисоб гирифта шуда, нисбат ба ҳамин давраи соли 2024 суръати афзоиши истеҳсоли сабзавот 100,5 фоиз, аз ҷумла пиёз 100,9 фоиз, картошка 106,5 фоиз, мевагиҳо 116,2 фоиз, аз ҷумла зардолу 121,1 фоиз, ангур 106,0 фоиз ва зироатҳои хӯроки чорво 107,2 фоизро ташкил намудааст.

СУҒД. Ба маблағи 28,3 миллиард сомонӣ маҳсулоти саноатӣ истеҳсол гардид

Азназаргузаронӣ: 172

Дар 9 моҳи соли 2025 ҳаҷми истеҳсоли маҳсулоти саноатӣ дар вилояти Суғд ба 28 миллиарду 321 миллиону 900 ҳазор сомонӣ расида, нисбат ба ҳамин давраи соли гузашта суръати афзоиш бо назардошти индекси нархҳо 131,9 фоиз таъмин гардид. 

Дар ин давра таваҷҷуҳи асосӣ ба истеҳсоли маҳсулоти воридотивазкунанда ва ба содирот нигаронидашуда равона карда шуд. Аз ҷумла, дар моҳҳои январ-сентябри соли 2025 ба миқдори 1 миллиону 583 ҳазору 500 тонна ангишт истеҳсол шуда, суръати афзоиш 102,1 фоиз таъмин шудааст.    

Дар ин давра суръати афзоиши намудҳои асосии маҳсулот таъмин гардида, ба миқдори 349,6 ҳазор тонна орд, 4 968, 7 тонна равғани растанӣ, 34 114, 6 тонна нон ва маҳсулоти нонӣ, 31 миллиону 954 ҳазору 200 қуттии шартӣ консерваҳои гуногун, 16 миллиону 768 ҳазору 800 декалитр нӯшокиҳои беспирт истеҳсол карда шудааст, ки нисбат ба ҳамин давраи соли қаблӣ суръати афзоиши истеҳсоли орд 122,8 фоиз, равғани растанӣ 142,4 фоиз, нон ва маҳсулоти нонӣ 102,1 фоиз, консерваҳо 90,8 фоиз ва нӯшокиҳои беспирт 114,0 фоизро ташкил медиҳад. 

Мақолаҳои боқимонда...

Категорияҳои дигари ин бахш

Категорияҳои дигари ин бахш