«Илм-ҳамчун омили асосии рушди Тоҷикистон». Зери ин унвон мулоқот доир гардид

Бо мақсади таъмини иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки зимни мулоқот бо аҳли илм ва маорифи кишвар санаи 30 май ироа шуд, дар Коллеҷи тиббии шаҳри Хуҷанд таҳти унвони “Илм-ҳамчун омили асосии рушди Тоҷикистон” вохӯрӣ доир гардид.

Директори Коллеҷи тиббии шаҳри Хуҷанд Алимат Мавлонзода зимни вохӯрӣ таъкид намуд, ки дар сиёсати маънавибунёди Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пешрафти кишвар дар ҳама бахшҳо ва фароҳам овардани зиндагии шоиста ба мардум ҷойгоҳи махсус дорад. Таъкид гардид, ки рушди соҳаи маориф, беҳтар кардани сифати таълим, баланд бардоштани масъулияти устод-муаллим-омӯзгор калиди ҳама гуна дастоварду пешравӣ ва истиқлолияти фикрӣ маҳсуб мешавад. Аз ин рӯ, самаранок ба роҳ мондани корҳои таълиму тарбия аз ҷониби омӯзгор имкон фароҳам меорад, ки сатҳи мафкура ва донишу ҷаҳонбинии толибилмон боло равад ва онҳо ҳамқадами замон гарданд.

Ифтитоҳи пули нав дар деҳаи Тӯдаи ноҳияи Айнӣ

Дар деҳаи Тӯдаи Ҷамоати деҳоти Фондарёи ноҳияи Айнӣ пули мошингузар мавриди истифода қарор дода шуд.

Пули мошингузари пешина дар даврони собиқ Иттиҳоди Шӯравӣ бунёд гардида, кӯҳнаю фарсуда шуда буд. Соҳибкор Муллоҳомид Содиқов бар ивази пули барои ҳаҷ омодакарда ва маблағҳои шахсиаш ба миқдори 782 ҳазор сомонӣ барои мардуми деҳа истгоҳи нав ва пулро азнавсозӣ карда, ба ин васила кори хайрро анҷом дод. 

Зимни баистифодадиҳии пули мошингузар гуфта шуд, ки имрӯзҳо саҳми соҳибкорон дар ободонии Ватан назаррас буда, ҳар яке кӯшиш ба харҷ медиҳад дар ободии диёри худ саҳми босазо гузошта, 35-солагии Истиқлоли давлатии Ҷумҳурии Тоҷикистонро бо дастоварди арзанда пешвоз гирад.

Вохӯрии гурӯҳи корӣ бо сокинони шаҳри Конибодом

11-уми июни соли ҷорӣ дар толори Мақомоти иҷроияи ҳокимияти давлатии шаҳри Конибодом бо мақсади таъмини иҷрои амри Раиси вилояти Суғд аз 30 апрели соли 2024, №61 ва тибқи нақшаи чорабинии тасдиқгардида дар ин самт, бахшида ба «Соли маърифати ҳуқуқӣ» эълон намудани соли 2024 бо сокинони касбу кори гуногуни шаҳр вохурӣ баргузор гардид.

Дар вохӯрӣ муовини сардори Раёсати кор бо ҷавонон ва варзиши вилояти Суғд Қаҳорова Муноҷот, муовини сардори Раёсати адлияи вилояти Суғд Самадзода Ифтихор Амрохон, муовини раиси шаҳри Конибодом Охунзода Одил ва аъзоёну намояндагони гурӯҳи кории доимоамали вилояти Суғд, аз ҷумла, судяи Суди вилояти Суғд Ашурзода Нурулло, сармутахассиси шуъбаи дин, танзими анъана ва ҷашну маросими миллии мақомоти иҷроияи ҳокимияти давлатии вилояти Суғд Ризозода Равшан ва сармутахассиси Раёсати кор бо занон ва оилаи мақомоти иҷроияи ҳокимияти давлатии вилояти Суғд Абдураҳимзода Маҳбуба иштирок ва суханронӣ намуданд.

Категорияҳои дигари ин бахш

Категорияҳои дигари ин бахш