ШАРАФ БА МУҲОФИЗОНИ МАРЗҲОИ МУҚАДДАСИ ВАТАН! – баргузории тадбирҳои идона дар қисми низомии 051056 Гвардияи миллӣ

10 феврал бо иштироки муовини якуми раиси Кумитаи кор бо занон ва оилаи назди Ҳукумати Ҷумҳурии Тоҷикистон Фирӯза Нуруллозода, сардори Раёсати кор бо занон ва оилаи Мақомоти иҷроияи ҳокимияти давлатии вилояти Суғд Хуршедахон Хоҷазода ва муовини раиси шаҳри Бӯстон Мамнур Нурзода ва як гуруҳ модарону ҷавонон дар қисми низомии 051056 Гвардияи миллии Ҷумҳурии Тоҷикистон дар шаҳри Бӯстон тадбирҳои идона доир гардид. 

Дар ин рӯз модарон ва ҷавонон ба аёдати сарбозон бо дастовези идона нону шириниҳо ташриф оварда, бо вазъи хизмат дар сафи Артиши миллӣ аз наздик ошноӣ пайдо карданд.

Нахуст муовини якуми раиси Кумитаи кор бо занон ва оилаи назди Ҳукумати Ҷумҳурии Тоҷикистон Фирӯза Нуруллозода вобаста ба муҳайё гардидани шароити мусоиди хизмат дар сафи Қувваҳои Мусаллаҳи Ҷумҳурии Тоҷикистон зери роҳбарии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ибрози назар намуд. 

Мавсуф аз тадбирҳои судманди аёдати модарон аз қисмҳои низомии ҳудуди кишвар, ки дар доираи тадбирҳои идона бахшида ба Рӯзи Қувваҳои Мусаллаҳи Ҷумҳурии Тоҷикистон сурат гирифта истодааст ёдовар шуд.

Маълумот дар бораи натиҷаи иҷрои нишондиҳандаҳои буҷети вилояти Суғд дар соли 2023

Мувофиқи маълумоти омори давлатӣ дар моҳҳои январ-декабри соли 2023 нишондиҳандаи кўтоҳмуҳлати рушд дар вилояти Суғд ба 35,2 млрд. сомонӣ ва суръати афзоиш ба 108,3 дарсад баробар гардида, саҳми он дар Маҷмўи маҳсулоти дохилии кишвар 26,9 дарсадро ташкил додааст.

Афзоиши нишондиҳандаи мазкур дар ин давра асосан аз ҳисоби зиёд гардидани ҳаҷми истеҳсоли маҳсулоти саноатӣ 10,7 дарсад, кишоварзӣ 15,1 дарсад, гардиши савдои чакана 12,9 дарсад, хизматрасониҳои пулакӣ 1,6 дарсад, маблағгузорӣ ба сармояи асосӣ 43,9 дарсад ва ғайра таъмин гардид.

Дар натиҷаи чораю тадбирҳои андешидашуда ва дар заминаи рушди иқтисодиёти вилоят, иҷрои нақшаи қисми даромади буҷети умумии вилоят (бо назардошти андози иҷтимоии ғайрибуҷетӣ) дар соли 2023-юм ба андозаи 104,5 дарсад таъмин ва ба буҷети давлатӣ 4931,8 млн. сомонӣ ворид карда шуд. Воридоти маблағ нисбат ба нақшаи таҳрезишуда 210,3 млн. сомонӣ ва нисбат ба соли қаблӣ 589,7 млн. сомонӣ ё 13,6 дарсад зиёд мебошад.

Осими Орифпур директори Муассисаи давлатии «Суғдсинамо ба номи Комил Ёрматов» таъин гардид

Бо қарори Раиси вилояти Суғд Раҷаббой Аҳмадзода аз 1 феврали соли 2024, №30 Осими Орифпур директори Муассисаи давлатии «Суғдсинамо ба номи Комил Ёрматов» таъин гардид.

Осими Орифпур 22 апрели соли 1985 таваллуд шудааст. Миллаташ тоҷик, маълумоташ олӣ.

Соли 2008 Донишгоҳи давлатии Хуҷанд ба номи академик Бобоҷон Ғафуровро бо ихтисоси рӯзноманигор-омӯзгор хатм кардааст. Фаъолияти меҳнатиашро ба ҳайси хабарнигори рӯзномаи «Суғд» оғоз бахшида, солҳои 2009-2010 дар телевизиони «Азия» кор кардааст. Солҳои 2010-2012 дар вазифаи сармуҳаррири радиои «Тироз», солҳои 2012-2014 дар вазифаи сармуҳаррири телевизиони «Танин», солҳои 2014-2019 дар вазифаи муовини Муассисаи давлатии «Суғдсинамо ба номи Комил Ёрматов» фаъолият бурда, аз соли 2019 инҷониб ба сифати коргардон дар Раёсати Муассисаи давлатии «Тоҷикфилм» дар вилояти Суғд кор кардааст.

Аз 1 феврали соли 2024 директори Муассисаи давлатии «Суғдсинамо ба номи Комил Ёрматов» таъин шуд.

Осими Орифпур дар таҳияву омодасозии филмҳои ҳунарии "Паймон", "12 соли интизорӣ", "Коса", "Тангно ", "Сайёра ранг иваз мекунад", "Бачаи обӣ", "Зодрӯз муборак", "Зархаридон" ва филмҳои мустанади "Соҳибватан", "Духтари Сайҳун", "Шикастнопазир", "Ворух", "Дарахти дӯстӣ", "Ду соҳили як дарё" ва ғайра саҳм дошта, дар филмҳои мазкур ҳамчун директори филм ва коргардон кор намудааст.

Категорияҳои дигари ин бахш

Категорияҳои дигари ин бахш