Суханронии Сарвари давлат Эмомалӣ Раҳмон дар мулоқот бо роҳбарон ва фаъолони ноҳияи Ашт

Азназаргузаронӣ: 1456

16.04.2022, ноҳияи Ашт

Ҳамдиёрони азиз!

Муҳтарам намояндагони мардуми сарбаланди ноҳияи Ашт!

Аз субҳи имрӯз мо дар ноҳияи шумо қарор дорем ва хуб мушоҳида кардем, ки сокинони ноҳияи Ашт солҳои охир ва хусусан, соли гузашта барои бо дастовардҳои арзанда истиқбол намудани ҷашни муқаддасу мубораки 30-юмин солгарди истиқлоли давлатии Тоҷикистон аҳлона заҳмат кашида, корҳои зиёди ободониву созандагиро ба анҷом расонидаанд.

Дар давоми се соли бунёдкориву ободонӣ дар ноҳия 426 иншоот ба маблағи умумии зиёда аз 160 миллион сомонӣ ва бо таъсиси 1200 ҷойи корӣ сохта, ба истифода дода шудааст.

Суханронии Пешвои миллат Эмомалӣ Раҳмон дар варзишгоҳи марказии шаҳри Панҷакент

Азназаргузаронӣ: 3144

14.04.2022, шаҳри Панҷакент

Ҳамватанони азиз!

Кулли сокинони вилояти Суғд, аз ҷумла шаҳри Панҷакенти бостонӣ ва ҳар яки шумо – ҳозирини арҷмандро ба ифтихори ҷашни Наврӯзи байналмилалӣ самимона табрик гуфта, ба шумо барои заҳмати созандаву ватандӯстона ва истиқболи гарму самимиатон изҳори сипос менамоям.

Мардумони ориёинажод, аз ҷумла тоҷикон ҳанӯз аз давраҳои хеле қадим ҷашни соли нави аҷдодии худ, яъне Наврӯзро бо тозаву обод кардани манзили истиқоматӣ, муҳити зист, омодагӣ ба кишти баҳорӣ ва корҳои созандагиву бунёдкорӣ истиқбол мегирифтанд.

Пешвои миллат Эмомалӣ Раҳмон дар шаҳри Панҷакент бинои нави Муассисаи таҳсилоти миёнаи умумии №47 ба номи «Спитамен»-ро ба истифода доданд

Азназаргузаронӣ: 4079

14 апрел дар идомаи сафари корӣ дар шаҳри Панҷакент Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вазъияти тантанавӣ бинои нави Муассисаи таҳсилоти миёнаи умумии № 47 ба номи “Спитамен”-ро мавриди истифода қарор доданд.

Бинои нави 3-ошёнаи Муассисаи таҳсилоти миёнаи умумии № 47 бо маблағгузории Мақомоти иҷроияи маҳаллии ҳокимияти давлатии шаҳри Панҷакент ва Ҷамъияти дорои масъулияти маҳдуди корхонаи муштараки “Зарафшон” бунёд гардида, барои 806 хонанда дар ду баст пешбинӣ шудааст. Бинои мактаб бо харҷи беш аз 9 миллиону 202 ҳазор сомонӣ бунёд гардидааст.

Мақолаҳои боқимонда...

Категорияҳои дигари ин бахш

Категорияҳои дигари ин бахш