Мақомоти иҷроияи ҳокимияти
давлатии вилояти Суғд
Шаҳру ноҳияҳои вилояти Суғд яке паси ҳам аз иҷрои нақшаи даъвати ҳарбӣ гузориш дода истодаанд.
Нахустин шуда нақшаи даъвати баҳории ҷавонон ба сафи Қувваҳои мусаллаҳи Ҷумҳурии Тоҷикистон дар шаҳри Бӯстон иҷро гардид.
Сипас ноҳияи Шаҳристон ва баъдан ноҳияи Кӯҳистони Мастчоҳ низ аз иҷрои нақша гузориш доданд.
30 апрел бахшида ба Иди саиди Фитр дар назди Театри давлатии мусиқӣ-мазҳакавии ба номи Камоли Хуҷандӣ ярмарка-фурӯши маҳсулоти кишоварзӣ гузаронида мешавад.
Дар ярмарка кишоварзон ва корхонаҳои саноатии вилоят маҳсулоти гуногун, аз қабили орд, гӯшт, равған, картошка, биринҷ, сабзӣ, гӯшти мурғ, тухм, макарон ва дигар маводи ғизоиро бо нархҳои нисбати бозор арзонтар пешниҳод менамоянд.
Марҳамат ба ярмарка-фурӯши маҳсулоти кишоварзӣ!
Бахшида ба 77-солагии Рӯзи Ғалаба дар Ҷанги Бузурги Ватании солҳои 1941-1945 ба иштирокчиёну маъюбони ҶБВ ва шахсоне, ки дар ақибгоҳ фаъолият доштанд, кӯмаки яквақтаи моддӣ расонида мешавад. Дар ин бора рӯзи 25 апрел қарори Раиси вилояти Суғд Раҷаббой Аҳмадзода ба имзо расид.
Тибқи қарори мазкур ба иштирокчиёну маъюбони ҶБВ ва ҳамсарони бесаробонмондаи ҷанговарони дар ин ҷанг ҳалокгардидае, ки нафақаи бесаробонӣ мегиранд, ба миқдори 6000 сомонӣ кӯмакпулии яквақта дастрас карда хоҳад шуд.
