Мақомоти иҷроияи ҳокимияти
давлатии вилояти Суғд
То охири ҳафта дар ноҳияҳои доманакӯҳ ва наздикӯҳии вилояти Суғд эҳтимоли хатари баланди боридани борон, жола ва фаромадани сел боқӣ мемонад. Дар ин бора аз Агентии обуҳавошиносии кишвар хабар доданд.
Дар робита ба ин Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар вилояти Суғд ба шаҳрвандони мамлакат ва ширкатҳои сайёҳӣ тавсия медиҳад, ки дар ин рӯзҳо аз рафтан ба назди обанборҳо, хатсайрҳои сайёҳӣ ва сайругашт дар кӯҳҳо даст кашанд.
Шаҳру ноҳияҳои вилояти Суғд яке паси ҳам аз иҷрои нақшаи даъвати ҳарбӣ гузориш дода истодаанд.
Нахустин шуда нақшаи даъвати баҳории ҷавонон ба сафи Қувваҳои мусаллаҳи Ҷумҳурии Тоҷикистон дар шаҳри Бӯстон иҷро гардид.
Сипас ноҳияи Шаҳристон ва баъдан ноҳияи Кӯҳистони Мастчоҳ низ аз иҷрои нақша гузориш доданд.
30 апрел бахшида ба Иди саиди Фитр дар назди Театри давлатии мусиқӣ-мазҳакавии ба номи Камоли Хуҷандӣ ярмарка-фурӯши маҳсулоти кишоварзӣ гузаронида мешавад.
Дар ярмарка кишоварзон ва корхонаҳои саноатии вилоят маҳсулоти гуногун, аз қабили орд, гӯшт, равған, картошка, биринҷ, сабзӣ, гӯшти мурғ, тухм, макарон ва дигар маводи ғизоиро бо нархҳои нисбати бозор арзонтар пешниҳод менамоянд.
Марҳамат ба ярмарка-фурӯши маҳсулоти кишоварзӣ!
