Дар мактаби таҳсилоти миёнаи умумии №27 бо иштироки сокинони маҳаллаи «Раззоқ»-и шаҳри Хуҷанд оид ба баланд бардоштани маърифати ҳуқуқии шаҳрвандон, пешгирии савдои одамон ва расонидани кӯмак ба қурбониёни савдои одамон, муҳоҷирати бехатар, зӯроварӣ дар оила, ҳодисаҳои номатлуб, аз ҷумла терроризму экстремизм, ҷинояткорӣ, муомилоти ғайриқонунии маводи нашъаовар ва ташаккули тарзи ҳаёти солим тренинги омӯзишӣ гузаронида шуд.
Дар тренинги мазкур намояндагони раёсатҳои кор бо занон ва оилаи вилоят, кор бо ҷавонон ва варзиши вилоят, Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилоят, Агентии назорати маводи нашъаовари назди Президенти Ҷумҳурии Тоҷикистон дар вилоят, Маркази ташаккули тарзи ҳаёти солими вилоят ва Ташкилоти ҷамъиятии «Фонди рушди ҷомеа» иштирок ва суханронӣ намуданд.
4 майи соли 2022 дар толори Ҷамоати деҳоти Саразми шаҳри Панҷакент мулоқоти гурӯҳи корӣ бо сокинони ҷамоат доир шуд.
Дар Донишкадаи политехникии Донишгоҳи техникии Тоҷикистон дар шаҳри Хуҷанд ба номи академик Муҳаммад Осимӣ бо иштироки олимони муассисаҳои таҳсилоти олии касбии вилоят конференсияи илмӣ – амалии ҷумҳуриявӣ таҳти унвони “Таҳсилоти фосилавӣ: воқеият ва дурнамо” доир гардид.
