14 октябри соли 2022 бахшида ба 30- солагии Иҷлосияи 16-уми Шӯрои Олии Ҷумҳурии Тоҷикистон таҳти унвони "Иҷлосияи  тақдирсоз- заминаи рушди босуботи кишвар" дар толори Кохи Суғдиёни шаҳри Хуҷандчорабинии тантанавии Агентии хизмати давлатӣ дар ҳамкорӣ бо мақомоти иҷроияи ҳокимияти давлатии вилояти Суғд баргузор гардид.

Дар чорабинии тантанавии мазкур Меҳрӣ Олимшо- мушовири Бахши Ёрдамчии Президенти Ҷумҳурии Тоҷикистон оид ба масъалаи кадрҳо, Ҷумъа Давлатов- директори Агентии хизмати давлатӣ, Зайнура Азимӣ- муовини Раиси вилояти Суғд, Рафиқа Мусоева- собиқадори хизмати давлатӣ, вакили Иҷлосияи 16- уми Шӯрои Олӣ ва Гулафзо Савриддинова- собиқадори хизмати давлатӣ, ходими намоёни давлативу ҷамъиятӣ, вакили Шӯрои Олии Ҷумҳурии Тоҷикистон иштирок ва суханронӣ намуданд. Инчунин дар чорабинии мазкур 350 нафар хизматчиёни давлатии ниҳодҳои давлатии ҳудуди вилояти Суғд иштирок намуданд.

Дар асоси нақшаи чорабинии Раёсати кор бо занон ва оилаи мақомоти иҷроияи ҳокимияти давлатии вилоят бахшида ба 30-солагии Иҷлосияи XVI-уми Шӯрои Олии Ҷумҳурии Тоҷикистон 13 октябри соли 2022 аёдати сарбозони қисмҳои ҳарбӣ аз ҷониби намояндагони Раёсати кор бо занон ва оила, модарон ва занҳои собиқадор ба роҳ монда шуд.

Аз ҷумла, афсарону сарбозони Гвардияи миллии 051056-и шаҳри Бӯстон, қисми ҳарбии 0214-и ноҳияи Ҷаббор Расулов, қисми ҳарбии 3501-и шаҳри Хуҷанд, қисми ҳарбии 14356-и ноҳияи Бобоҷон Ғафуров, қисми ҳарбии 0202-и ноҳияи Зафаробод, қисми ҳарбии 0230-и ноҳияи Спитамен, қисми ҳарбии 0203-и шаҳри Панҷакент, қисми ҳарбии 0202-и шаҳри Истаравшан, қисми ҳарбии 0216-и ноҳияи Ашт ва қисми ҳарбии 14356-и ноҳияи Мастчоҳ аёдат карда шуда, барномаи фарҳангӣ ташкил карда шуд.