Бо дастури Пешвои миллат Эмомалӣ Раҳмон 104 шаҳрванди Тоҷикистон аз Сурия ба Ватан баргардонида шуд

Азназаргузаронӣ: 216

Бо дастуру супориши Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 21 майи соли 2023 гурӯҳи дуюми шаҳрвандони Ҷумҳурии Тоҷикистон бо теъдоди 104 нафар (29 оила), ки аз занон, наврасон ва тифлони хурдсол иборат мебошад, тавассути ҳавопаймои махсус аз Ҷумҳурии Арабии Сурия ба Ватан баргардонида шуд. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.

Дар Фурудгоҳи байналмилалии Душанбе  нафарони ба Ватан баргардонидаро муовини Сарвазири Ҷумҳурии Тоҷикистон Матлубахон Сатториён, Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Эмомалӣ Насриддинзода, Вазири маориф ва илми Ҷумҳурии Тоҷикистон Раҳим Саидзода, муовини якуми Роҳбари Дастгоҳи иҷроияи Президенти Ҷумҳурии Тоҷикистон Ҷӯрахон Ҳаётзода, Ваколатдор оид ба ҳуқуқи инсон дар Ҷумҳурии Тоҷикистон   Умед Бобозод ва дигар шахсони расмӣ пешвоз гирифтанд.

Дар ноҳияи Ашт то 25 000 тонна зардолу истеҳсол карда хоҳад шуд

Азназаргузаронӣ: 413

17 май Раиси вилояти Суғд Раҷаббой Аҳмадзода дар ноҳияи Ашт бо ҷараёни ҷамъоварӣ, банду баст ва содироти зардолу шинос гардид.

Дар ноҳияи Ашт, ки аз маконҳои асосии меваи зардолу маҳсуб меёбад, 18 ҳазор гектар боғ мавҷуд буда, 16 ҳазор гектари он боғоти зардолу мебошад ва айни замон ҷамъоварии ҳосил идома дорад. Боғдорони ноҳия аз 10 май инҷониб чиниши зардолуи пешпазакро оғоз намудаанд ва маҳсулоти тару тоза ҳамарӯза содирот гардида истодааст. Тибқи иттилои масъулин дар ноҳия 500 гектар боғи​ зардолуи пешпазак вуҷуд дошта, аз ин ҳисоб тибқи нақша бояд 5000 тонна зардолуи пешпазак содирот гардад. Ҳамарӯза тавассути беш аз 50 нақлиёти калони боркаш маҳсулот ба кишварҳои Россия ва Қазоқистон фиристода мешавад.​

21 май дар вилоят Дави миллӣ доир карда мешавад

Азназаргузаронӣ: 275

Бахшида ба Рӯзи ҷавонони Тоҷикистон, ки ​ ҳамасола 23 май дар ҷумҳурӣ гузаронида мешавад, 21 май дар вилояти Суғд​ Дави миллӣ доир карда мешавад.

Чорабинии варзишӣ дар маркази вилоят —​ шаҳри Хуҷанд​ 21 май, соати 07:00 аз назди Маҷмааи ҳавзҳои шиноварии «20-солагии Истиқлолияти Тоҷикистон» тавассути кӯчаи ба номи Раҳим Ҷалил то хиёбони ба номи Раҳмон Набиев​ доир мешавад.

Ҳамзамон бо назардошти оммавият, рушди намуди варзиши велосипедронӣ дар мамлакат ва ҷалби бештари аҳолӣ ба он 21 май пеш аз оғози баргузории Дави миллӣ марафони велосипедронӣ дар назар дошта шудааст.

Мақсад аз баргузории мусобиқа-таҳкими тарзи ҳаёти солим, рушду инкишофи соҳаи варзиш ва оммавияти он байни аҳолӣ мебошад.

Мақолаҳои боқимонда...

Категорияҳои дигари ин бахш

Категорияҳои дигари ин бахш