Мақомоти иҷроияи ҳокимияти
давлатии вилояти Суғд
Ҳаҷми гардиши савдои хориҷии вилояти Суғд дар моҳҳои январ-июни соли 2022 ба 1 млрд. 416,8 млн. доллари ИМА расонида шуда, суръати афзоиш нисбат ба ҳамин давраи соли гузашта 138% таъмин гардид.
Ҳаҷми воридот 896,6 млн. доллари ИМА-ро ташкил дода, нисбат ба ҳамин давраи соли гузашта 146,5 млн. доллар ё 19,5 фоиз афзудааст.
Дар соли 2022 дар вилояти Суғд тибқи нақша бунёди 230 гектар боғу токзор пешбинӣ гардида, ба ҳолати 1 июни соли 2022 дар хоҷагиҳои кишоварзии вилоят 845,4 гектар боғу токзори нав бунёд карда шудааст, ки нисбати нишондоди пешбинишуда 3,6 баробар зиёд мебошад.
Аз майдони умумии боғҳои бунёдшуда 148 гектар боғи интенсивӣ мебошад. Ҳамзамон, барқароркунии боғу токзор дар масоҳати 570 гектар назардошт шуда, амалан дар масоҳати 866,6 гектар боғу токзор барқарор карда шуд, ки 152,0 фоизи нақшаро ташкил медиҳад.
Дар нимсолаи якуми соли 2022 ҳаҷми истеҳсоли маҳсулоти саноатӣ дар вилояти Суғд ба 11,1 млрд. сомонӣ ва суръати афзоиш бо назардошти индекси нархҳо ба 123,8 фоиз расонида шуд.
Дар ин давра таваҷҷуҳи асосӣ ба истеҳсоли маҳсулоти воридотивазкунанда ва ба содирот нигаронидашуда равона гардид. Аз ҷумла, ба миқдори 646,1 ҳазор тонна семент ва 695,3 ҳазор тонна ангишт истеҳсол карда шуд.
