Баргузории Форуми II ҷумҳуриявии иқтисодӣ дар мавзуи «Таъмини рушди устувор ва рақобатпазирии иқтисодиёти Тоҷикистон дар шароити ҷаҳонишавӣ»

15 декабри соли 2022 дар маҷлисгоҳи бинои асосии Донишгоҳи давлатии ҳуқуқ, бизнес ва сиёсати Тоҷикистон Форуми II ҷумҳуриявии иқтисодӣ дар мавзуи «Таъмини рушди устувор ва рақобатпазирии иқтисодиёти Тоҷикистон дар шароити ҷаҳонишавӣ» бахшида ба истиқболи 35-солагии Истиқлоли давлатии Ҷумҳурии Тоҷикистон баргузор гардид.

Дар кори форум коршиносон, олимон, кормандони муассисаҳои илмӣ ва таълимии Ҷумҳурии Тоҷикистон, роҳбарону намояндагони корхонаҳои саноатӣ, соҳибкорон  ва устодону донишҷӯёни донишгоҳ иштирок намуданд.

Дар муассисаҳои иҷтимоии вилояти Суғд чорабиниҳои солинавӣ доир мешавад

Дар асоси дастуру ҳидоятҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар самти дастгирии қишри ниёзманди ҷомеа рӯзҳои 28-30 декабр дар муассисаҳои иҷтимоии шаҳру ноҳияҳои вилояти Суғд чорабиниҳои солинавӣ гузаронида мешавад.

Чорабиниҳои идона бо ибтикори мақомоти иҷроияи ҳокимияти давлатии вилояти Суғд дар муассисаҳои иҷтимоии шаҳру ноҳияҳои Панҷакент, Ашт, Бобоҷон Ғафуров, Бӯстон, Истаравшан, Исфара, Конибодом, Куҳистони Мастчоҳ, Спитамен, Хуҷанд, Ҷаббор Расулов ва Шаҳристон доир гардида, ба бошандагони муассисаҳо кӯмакҳои моддӣ расонида хоҳад шуд.

Суғд: Барои дарёфти Ҷоми Президенти Тоҷикистон мусобиқаи байналмилалӣ оид ба гӯштини миллӣ баргузор мешавад

18 декабр дар Қасри варзиши шаҳри Хуҷанд мусобиқаи байналмилалӣ оид ба гӯштини миллӣ баргузор мегардад.

Мусобиқаи байналмилалӣ барои дарёфти Ҷоми Президенти Ҷумҳурии Тоҷикистон миёни калонсалон доир гардида, дар назар аст, ки дар он паҳлавонони номдор иштирок намоянд.

Барои иштирок дар мусобиқаи байналмилалӣ варзишгарон аз ҷумҳуриҳои Тоҷикистон, Ӯзбекистон, Қазоқистон, Қирғизистон, Белорус, Туркманистон, Гурҷистон, Ҳиндустон, Россия ва Эрон даъват шудаанд.

Категорияҳои дигари ин бахш

Категорияҳои дигари ин бахш