Мақомоти иҷроияи ҳокимияти
давлатии вилояти Суғд
Дар деҳаи Вогати деҳоти Сабристони шаҳри Истаравшан хати оби нӯшокӣ мавриди истифода қарор дода шуд.
Хати оби ошомиданӣ бо кандани чоҳи амудӣ, ки аз ҷониби сокинони деҳа бо харҷи зиёда аз 150 ҳазор сомонӣ амалӣ гардид, 75 хонаро бо оби нӯшокӣ таъмин кард. Мавриди зикр аст, ки сокинони деҳа солҳои зиёд аз нарасидани оби нӯшокӣ танқисӣ мекашиданд.
26 июл бо мақсади сазовор пешвоз гирифтани ҷашни 35-солагии Истиқлоли давлатии Ҷумҳурии Тоҷикистон дар Ҷамоати деҳоти Пунуки ноҳияи Ашт таъмири роҳи Навбунёд-Пунук оғоз ёфт.
Раиси ноҳияи Ашт Шӯҳрат Муҳаммадзода дар суҳбат бо сокинон аз вусъати корҳои ободониву созандагӣ дар ноҳия ёдовар шуда, барои саҳмгузории сокинон дар ободонии роҳ миннатдории худро баён кард. Иттилоъ дода шуд, ки барои таъмири ҷории роҳи мазкур аз ҷониби сокинони саховатпеша 230 ҳазор сомонӣ ҷамъоварӣ гардида, мардум барои ободии диёр саҳми арзандаи худро мегузоранд.
Муҳассилини Литсей барои хонандагони болаёқат дар шаҳри Хуҷанд дар олимпиадаи байналмилалии «ISTEM GRAND FINAL - 2022», ки дар шаҳри Франкфурти кишвари Олмон ҷараён гирифт, Тоҷикистонро намояндагӣ карданд.
Тибқи иттилоъи Сурайёхон Неъматзода - директори муассисаи таълимӣ 6 нафар хонандагони литсей дастаи олимпии Точикистонро дар олимпиадаи фаннӣ шоиста муаррифӣ намуда, 4 медали тилло, 4 нуқра, 3 биринҷӣ ва 1 ҷойи ифтихориро аз фанҳои математика, технологияи иттилоотӣ ва табиатшиносӣ ба даст оварданд.
