Ба санаи 28 сентябри соли 2022 нақшаи истеҳсоли пахта дар вилояти Суғд 35,4 фоиз иҷро гардидааст.
Пахтакорони вилоят то имрӯз 47307,9 тонна "тиллои сафед" - ро ҷамъоварӣ карда, ба хирман супоридаанд.
Мумфаршкунии роҳи деҳоти Нофароҷи шаҳри Истаравшан оғоз ёфт
26 сентябри соли 2022 ба корҳои мумфаршкунии роҳи асосии деҳоти Нофароҷи шаҳри Истаравшан оғоз бахшида шуд.
Мавриди зикр аст, ки мумфаршкунии роҳи мазкур бо дастгирии бевоситаи Раиси вилояти Суғд Раҷаббой Аҳмадзода аз ҳисоби маблағҳои буҷети вилоятӣ амалӣ гардида истодааст.
Соҳибкорони Истаравшан ба сокинони зарардидаи наздисарҳадӣ кӯмак ирсол намуданд
Дар партави дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон як қатор соҳибкорони шаҳри Истаравшан, ки ба савдои меваи хушк машғул ҳастанд ва бо соҳибкорони шаҳри Исфара ҳамкорӣ доранд, имрӯз барои 80 оилаи аз ҳодисаҳои охири сарҳадӣ зарардида, аз ҷумла барои 16 оила аз ноҳияи Бобоҷон Ғафуров ва 64 оила аз шаҳри Исфара маҳсулоти хӯрока ирсол карданд.
Кӯмак аз орд, равған, картошка, пиёз, сабзӣ, макарон, шакар, қанди сафед ва тухм иборат мебошад.
