Дар остонаи ҷашни байналмилалии Наврӯз дар Ҷамоати деҳоти Меҳрободи ноҳияи Ҷаббор Расулови вилояти Суғд дар доираи маъракаи ниҳолшинонӣ беш аз 200 бех ниҳолҳои санавбар шинонида шуданд.
Аз Сарраёсати ҳифзи муҳити зист дар вилоят иттилоъ доданд, ки ин амал бо мақсади сабзу хуррам гардонидани муҳити атроф гузаронида шуд.
«Дар маъракаи кабудизоркунӣ ва ниҳолшинонӣ кормандони бахши муҳити зист ва аҳолии Ҷамоати деҳоти Меҳрободи ноҳияи Ҷаббор Расулов фаъолона иштирок намуданд. Корҳои ободониву созандагӣ, шинонидани ниҳолу дарахтони ҳамешасабз, сояафкан ва ороишӣ дар дигар ҷамоатҳои ноҳия низ бо маром идома доранд», — афзуд манбаъ.
Ёдовар мешавем, ки моҳи феврали соли равон низ дар Ҷамоати шаҳраки Меҳробод ва кӯчаи Абӯалӣ ибни Синои ноҳия бо иштироки кормандони бахши ҳифзи муҳити зист бо мақсади обод ва сабзазоркунӣ қад-қади роҳи нақлиётгард 150 бех ниҳолҳои дарахтони ҳамешасабз, аз ҷумла санавбар шинонида шуданд.
Хадамоти матбуоти
Раиси вилояти Суғд
Моҳи октябр бо мақсади таъмини иҷрои Амри Президенти Ҷумҳурии Тоҷикистон аз 3 феврали соли 2022 даври вилоятии озмуни ҷумҳуриявии «Фурӯғи субҳи доноӣ китоб аст» гузаронида мешавад. Дар ин бора қарори Раиси вилояти Суғд Раҷаббой Аҳмадзода ба тасвиб расида, тибқи он барои қадршиносии ғолибони озмун ва дар сатҳи баланд гузаронидани озмун 490 730 сомонӣ ҷудо гардидааст.
Бо мақсади таъмини иҷрои Амри Президенти Ҷумҳурии Тоҷикистон аз 3 феврали соли 2022 моҳи сентябри соли ҷорӣ даври вилоятии озмуни ҷумҳуриявии «Илм-фурӯғи маърифат» гузаронида мешавад. Дар ин бора 11 март қарори Раиси вилояти Суғд Раҷаббой Аҳмадзода ба имзо расид.Тибқи ин қарор ҳайати комиссия ва ҳакамон муайян гардида, раисони шаҳру ноҳияҳо вазифадор гардидаанд, ки даври шаҳриву ноҳиявиро дар сатҳи баланд доир ва ғолибонро қадршиносӣ намоянд.
