ЭЪЛОН: 30 апрел бахшида ба Иди саиди Фитр ярмарка-фурӯши маҳсулоти кишоварзӣ доир мегардад

30 апрел бахшида ба Иди саиди Фитр дар назди Театри давлатии мусиқӣ-мазҳакавии ба номи Камоли Хуҷандӣ ярмарка-фурӯши маҳсулоти кишоварзӣ гузаронида мешавад.

Дар ярмарка кишоварзон ва корхонаҳои саноатии вилоят маҳсулоти гуногун, аз қабили орд, гӯшт, равған, картошка, биринҷ, сабзӣ, гӯшти мурғ, тухм, макарон ва дигар маводи ғизоиро бо нархҳои нисбати бозор арзонтар пешниҳод менамоянд.

Марҳамат ба ярмарка-фурӯши маҳсулоти кишоварзӣ!

Раиси вилояти Суғд барои қадршиносии иштирокчиёну маъюбони ҶБВ 477 ҳазор сомонӣ ҷудо намуд

Бахшида ба 77-солагии Рӯзи Ғалаба дар Ҷанги Бузурги Ватании солҳои 1941-1945 ба иштирокчиёну маъюбони ҶБВ ва шахсоне, ки дар ақибгоҳ фаъолият доштанд, кӯмаки яквақтаи моддӣ расонида мешавад. Дар ин бора рӯзи 25 апрел қарори Раиси вилояти Суғд Раҷаббой Аҳмадзода ба имзо расид.

Тибқи қарори мазкур ба иштирокчиёну маъюбони ҶБВ ва ҳамсарони бесаробонмондаи ҷанговарони дар ин ҷанг ҳалокгардидае, ки нафақаи бесаробонӣ мегиранд, ба миқдори 6000 сомонӣ кӯмакпулии яквақта дастрас карда хоҳад шуд.

15 май Рӯзи байналмилалии оила ҷашн гирифта мешавад

15 май дар қаламрави вилояти Суғд Рӯзи байналмилалии оила таҷлил карда мешавад. Дар ин бора қарори дахлдори Раиси вилоят Раҷаббой Аҳмадзода ба имзо расид.

Дар асоси қарори мазкур нақшаи чорабиниҳои Рӯзи байналмилалии оила тасдиқ гардидааст, ки тибқи он гузаронидани семинар-машваратҳои минтақавӣ таҳти унвони «Оилаи солим-ҷомеаи устувор», ташкили суҳбату мулоқотҳо бо иштироки оилаҳои намунавӣ, соҳибтаҷриба ва ҷавон, озмуни иншои беҳтарин дар мавзӯи «Оилаи мо беҳтарин» миёни хонандагони муассисаҳои таълимӣ, маҳфилҳои гуногун дар назар дошта шудааст.

Категорияҳои дигари ин бахш

Категорияҳои дигари ин бахш