4 ноябр дар Қасри фарҳанги ноҳияи Мастчоҳ ба ифтихори 28-умин солгарди Рӯзи қабули Конститутсияи Ҷумҳурии Тоҷикистон ҳамоиши тантанавӣ баргузор гардид, ки дар он раиси ноҳияи Мастчоҳ Аъзам Ализода ва намояндаи Мақомоти иҷроияи ҳокимияти давлатии вилояти Суғд, сардори Раёсати Агентии давлатии назорат дар соҳаи маорифи вилояти Суғд Ҷаҳонгир Салимзода иштирок ва суханронӣ намуданд.

Раиси ноҳия зимни суханронӣ иброз дошт, ки “Конститутсия ҳамчун дастоварди бузурги мардуми Тоҷикистон заминаҳои ҳуқуқии эъмори давлати демократӣ, ҳуқуқбунёд ва дунявии тоҷиконро фароҳам овардааст.

Бахшида ба Рӯзи Конститутсияи Ҷумҳурии Тоҷикистон ва 30-солагии Иҷлосияи шанздаҳуми Шўрои Олии Ҷумҳурии Тоҷикистон, инчунин  90-солагии Донишгоҳи давлатии Хуҷанд ба номи академик Бобоҷон Ғафуров санаи 3-юми ноябри соли равон дар толори калони раёсати донишгоҳ бо иштироки олимону муҳаққиқони соҳа, устодону муҳассилини донишгоҳ конференсияи илмӣ таҳти унвони “Конститутсия поягузори низоми муосири давлатдории миллӣ дар Тоҷикистон” баргузор гардид.

Ректори донишгоҳ профессор Усмонзода Аюб Ислом ба кори конференсия ҳусни оғоз бахшида, қайд намуд, ки қабули ин санади муқаддас сохти давлатдорӣ ва ҳаёти ҷомеаи нави Тоҷикистонро  муайян намуда, ба сулҳу субот ва ваҳдати миллӣ дар мамлакат асос гузошт. Мавсуф зимнан таъкид дошт, ки ин китоби сарнавиштсоз таҷассумгари орзуву ормонҳо ва ғояҳои ҷовидонаи мардуми мо буда, барои пойдории ҳокимияти конститутсионӣ, таҳкими рукнҳои давлатдорӣ, ноил гардидан ба пешравиҳои азими сиёсиву иқтисодӣ ва иҷтимоиву фарҳангӣ, ба вуҷуд овардани асосҳои ҷомеаи шаҳрвандӣ ва муҳайё намудани фазои мусоид барои ташаккули озодонаи ҳар фард заминаи мустаҳкам ва боэътимоди ҳуқуқӣ гузошт.