Бо кўшиши гурўҳи муаллифон – кормандони Муассисаи давлатии «Маркази илмии Камоли Хуҷандӣ» (А.Ғафуров, Б.Раҳматов, И.Шехимов, А.Ҳоҷибоев ва Н.Латифӣ) китоби нави «Фарҳанги истилоҳоти ирфонӣ ва таъбироти арабии ашъори Камоли Хуҷандӣ» ба табъ расид.

Дар ин бора директори муассиса Баҳром Раҳматов хабар дода, афзуд, ки Шайх Камол аз чеҳраҳои адабӣ ва ирфонии машҳур ба шумор рафта, шеъраш дар партави ашъор ва осори рамзгароёнаи орифони пешин суруда шуда, ҳамзамон ў бисёр масоили назариву амалии ирфониро дар қолаби андешаҳои манзуми орифона такмилу тавсеа бахшидааст. Аз ин рў, баррасии решаҳои ирфонӣ ва андешаҳои шоиронаи ў аз масоили муҳимми камолшиносӣ маҳсуб ёфта, дар кори пажўҳиши ашъор ва орову андешаҳои шоир марҳилаи нав ба ҳисоб меояд.

24 декабр дар гулгашти Парчами давлатии Ҷумҳурии Тоҷикистон дар шаҳри Бӯстон бо нишони ҳамовозӣ аз ташаббуси панҷуми Ҷумҳурии Тоҷикистон дар робита бо қабули Қатъномаи Созмони Милали Муттаҳид дар мавриди эълони соли 2025 “Соли байналмилалии ҳифзи пиряхҳо”, 21 март Рӯзи байналмилалии пиряхҳо ва илҳом аз Паёми навбатии Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии мамлакат ҳамоиши идона доир гардид.

Нахуст раиси шаҳри Бӯстон Мавсума Муинӣ кулли сокинону меҳмонони шаҳр ва иштирокдорони ҳамоиши идонаро ба ифтихори ин рӯйдоди хубу хотирмон ва таърихӣ таҳният гуфта, барояшон бурдбориву муваффақиятҳои беназир таманно намуд.