Мақомоти иҷроияи ҳокимияти
давлатии вилояти Суғд
Дар доираи сафари кории Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шаҳру ноҳияҳои вилояти Суғд дар деҳоти Яхтани ноҳияи Деваштич фабрикаи парандапарварӣ мавриди истифода қарор гирифт.
Фабрикаи мурғпарварӣ аз ҷониби соҳибкор Расул Азимов бо харҷи қариб ду миллион сомонӣ дар масоҳати наздик як гектар замин бунёд гардида, дар ду бино ва иншооти ёрирасон қариб 30 ҳазор сар мурғи тухмдеҳ ва чӯжа парвариш карда мешавад.
Дар доираи сафари кории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шаҳру ноҳияҳои вилояти Суғд дар маҳаллаи Сайҳуни шаҳри Хуҷанд бо иштироки аъзои Ҳукумати Ҷумҳурии Тоҷикистон, Мақомоти иҷроияи ҳокимияти давлатии вилояти Суғд, роҳбарияти шаҳри Хуҷанд ва дигар шахсони масъул бинои нави Кумитаи давлатии идораи замин ва геодезии Ҷумҳурии Тоҷикистон дар шаҳри Хуҷанд ба истифода дода шуд.
Бинои Кумитаи давлатии идораи замин ва геодезии Ҷумҳурии Тоҷикистон дар шаҳри Хуҷанд дар доираи нақшаи чорабиниҳо ба истиқболи 35-солагии Истиқлоли давлатии Ҷумҳурии Тоҷикистон бо тарҳи меъмории миллӣ сохта шуда, аз таҳхона ва 5 ошёна иборат аст.
Дар доираи сафари кории Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба вилояти Суғд дар шаҳри Хуҷанд бинои иловагии муассисаи хусусии таҳсилоти томактабии “Афсона” мавриди баҳрабардорӣ қарор дода шуд.
Дар расми ифтитоҳи иншоот намояндаи Ҳукумати Ҷумҳурии Тоҷикистон оид ба таҷлили 35 солагии Истиқлоли давлатӣ дар шаҳри Хуҷанд, Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода, Вазири маориф ва илми мамлакат Раҳим Саидзода, муовини Раиси вилояти Суғд Анвар Яъқубӣ ва раиси шаҳри Хуҷанд Фирдавс Шарифзода иштирок намуданд.
