Дар се моҳи соли 2023 ҳаҷми истеҳсоли маҳсулоти саноатӣ дар вилояти Суғд ба 5 млрд. 892,4 млн. сомонӣ расонида шуда, нисбат ба ҳамин давраи соли гузашта суръати афзоиш бо назардошти индекси нархҳо 110,1 фоиз таъмин гардид.
Дар ин давра суръати афзоиши намудҳои асосии маҳсулот таъмин гардида, ба миқдори 1696,4 тонна равғани растанӣ, 8666,6 тонна нон ва маҳсулоти нонӣ, 1809,8 ҳазор қуттии шартӣ консерваҳои гуногун, 2272,5 ҳазор декалитр нӯшокиҳои беспирт истеҳсол карда шуда, нисбат ба ҳамин давраи соли қаблӣ суръати афзоиши истеҳсоли равғани растанӣ 116,3 фоиз, нон ва маҳсулоти нонӣ 103,1 фоиз, консерваҳо 117,7 фоиз, нӯшокиҳои беспирт 122,2 фоиз таъмин гардидааст.
15 апрели соли равон бахшида ба Иди Рамазон дар тамоми шаҳру ноҳияҳои вилояти Суғд ҳашари тозагиву ободонӣ гузаронида шуд.
Дар маҳаллаи “Раззоқ”-и шаҳри Хуҷанд комплекси варзишии «Раззоқ»-и ба номи Бобоҷон Каримов мавриди баҳрабардорӣ қарор дода шуд.
