Имрӯз дар шаҳри Истаравшан Форуми минтақавии соҳибкорони ватанӣ  таҳти унвони «Рушди соҳибкорӣ дар соҳаи  саноат» доир мегардад.

Дар назар аст, ки дар форум беш аз 150 нафар  намояндагони ширкату корхонаҳои саноатии ҷумҳурӣ, бонкҳо, вазорату идораҳо ва шарикони рушд иштирок намоянд.

Бо мақсади таъмини иҷрои талаботи қарори Ҳукумати Ҷумҳурии Тоҷикистон аз 10 июли соли 2017, №344 “Дар бораи Қоидаҳои ягона барои сомонаҳои расмии вазорату идораҳо, мақомоти иҷроияи ҳокимияти давлатӣ ва мақомоти худидоракунии шаҳрак ва деҳот дар шабакаи Интернет” сомонаи расмии мақомоти иҷроияи ҳокимияти давлатии вилояти Суғд  азнавсозӣ карда шуда, рӯзи 31 март бо тарҳу ороиши нав фаъол шуд.

Сомона аз бахшҳои «Навид», «Хабарҳои рӯз», «Саноат ва иқтисодиёт», «Иҷтимоиёт», «Кишоварзӣ», «Сайёҳӣ ва ҳунармандӣ», «Эълон ва озмунҳо», «Мақолаҳо», «Тамос», «Суратгузориш», «Веб-каталог» иборат буда, дорои маълумоти зарурӣ доир ба вазъи соҳаҳои гуногун, роҳбарияти вилоят, ҷадвали қабули шаҳрвандон мебошад.