11 апрели соли ҷорӣ раиси шаҳри Истаравшан Адҳам Маъмурзода ва муовини сардори шуъбаи минтақавии мубориза бар зидди ҷиноятҳои муташаккили Раёсати мубориза бар зидди ҷиноятҳои муташаккили ВКД ҶТ, полковники милитсия Муҳаррамзода Фаррух Неъмат бо фаъолони шаҳр ва намояндагони қишрҳои ҷомеа мулоқот анҷом доданд.
Нахуст, раиси шаҳри Истаравшан Адҳам Маъмурзода суханронӣ намуда, вобаста ба дастовардҳои кишвар дар давраи истиқлолият, аз ҷумла рушди соҳаҳои иқтисоду саноат, кишоварзию иҷтимоёт муфассал ибрози назар кард.
Аз фаъолони шаҳр даъват карда шуд, ки дар самти тарбияи насли наврас ва баланд бардоштани ҳисси ватандӯстии ҷавонон корҳоро тақвият бахшанд то ки ҷавонон бо доми гурӯҳҳои ифротгаро наафтанд.
Ҳоло ба рӯйхати пешакии мероси фарҳангии умумибашарии ЮНЕСКО нуҳ ёдгории таърихиву фарҳангии Шоҳроҳи Бузурги Абрешим, долони «Зарафшон-Қароқум», аз ҷумла ёдгориҳои Ҳисорак (Кӯҳистони Мастчоҳ), Кӯҳи Муғ, Гардани Ҳисор (Айнӣ), Тали Хамтӯда, мақбараи Хоҷа Муҳаммади Башоро, қалъаи Санҷаршоҳ, системаи обёрикунии Тӯхсанкорез ва Панҷакенти қадим (Панҷакент) шомил гардидаанд. Ин нукта 11 апрел зимни баргузории конфронси минтақавӣ баён карда шуд. Дар ин хусус аз мақомоти иҷроияи ҳокимияти давлатии шаҳри Панҷакент хабар доданд.
Дар се моҳи соли 2023 панҷ нафар омӯзгорон ва 16 нафар донишҷӯёну докторантони Донишкадаи иқтисод ва савдои Донишгоҳи давлатии тиҷорати Тоҷикистон барои таҳсил ба хориҷи кишвар cафарбар карда шуданд. Дар ин бора директори Донишкадаи иқтисод ва савдо Ҳомидҷон Ҳошимзода иттилоъ дод.
