Шиносоӣ бо ҷараёни навсозии варзишгоҳи деҳоти Исфисори ноҳияи Бобоҷон Ғафуров

Азназаргузаронӣ: 1160

Имрӯз Раиси вилояти Суғд Раҷаббой Аҳмадзода ба ноҳияи Бобоҷон Ғафуров ташриф оварда, дар Ҷамоати деҳоти Исфисор бо ҷараёни таҷдиду навсозии варзишгоҳ аз наздик шинос гардид.

Чуноне маълумот дода шуд, варзишгоҳи мазкур дар қарни 20 сохта шуда, давоми чанд соли охир фаъолияти босамар надошт. Дар доираи омодагиҳо ба ҷашни 35-солагии Истиқлоли давлатии Ҷумҳурии Тоҷикистон варзишгоҳ навсозӣ шуда, барои машқу тамрини варзишгарон ва гузаронидани мусобиқаҳои сатҳи баланд шароити мусоид фароҳам оварда мешавад.

Тибқи лоиҳа варзишгоҳ дорои 6500 ҷойи нишаст аст ва ҳамзамон иншооти ёрирасон, аз қабили ҳуҷраҳои корӣ ва либосивазкунӣ сохта мешавад.

Дар шаҳри Хуҷанд сохтмони иншооти ҷашнӣ идома дорад

Азназаргузаронӣ: 935

Раиси вилояти Суғд Раҷаббой Аҳмадзода дар шаҳри Хуҷанд бо сохтмони иншооти ҷашнӣ шинос гардид.

Ба ис­тиқболи 35-солагии Истиқлоли давлатии Ҷу­мҳурии Тоҷикистон дар шаҳри Хуҷанд корҳои ободониву созандагӣ вусъат ёфта, сохтмону барқарорсозии иншооти гуногун идома дорад. 

Бинои таъл­имӣ барои курсантони факултаи чоруми Ака­демияи ВКД дар шаҳри Хуҷанд яке аз чунин иншооти ҷашнӣ ба ҳисоб меравад 

Ин­шоот аз шаш ошёна иб­орат аст ва дорои 17 синфхона, ошхонаву хобгоҳ, маҷлисгоҳ ва ҳуҷраҳои ёрирасон мебошад. 

Бо мавриди истифода қарор гирифт­ани бино ба­рои таълиму тарбияи курсантон шароити му­соид фароҳам оварда хоҳад шуд.

Шароити арзанда баҳри истироҳату фароғати сокинон

Азназаргузаронӣ: 809

Ба истиқболи 35-солагии Истиқлоли давлатии Ҷумҳурии Тоҷикистон мавзеи назди пули "Ҷашнӣ" ва Маркази ҷарроҳии дилу рагҳо дар шаҳри Хуҷанд ободу зебо гардонида шуд. 

Дар доираи бунёдкориҳо соҳили дарёи Сир, шафати Маркази ҷарроҳии дилу рагҳо ва Беморхонаи ҷумҳуриявии физиотерапевтӣ пурра навсозӣ шуда, пиёдароҳҳо сафолакпӯш ва нишастгоҳу таҷҳизоти варзишӣ гузошта шуд.

Корҳои ободонию созандагӣ бо дастгирии мақомоти иҷроияи ҳокимияти давлатии вилоят ва шаҳри Хуҷанд сурат гирифта, ин мавзеъ ба макони хуби истироҳату фароғати сокинон табдил ёфт.

Мақолаҳои боқимонда...