Дуюмин меҳмонии ҷавонони Тоҷикистон ба ноҳияи Айнӣ ва шаҳри Панҷакент доир гардид

Азназаргузаронӣ: 5156

«Дӯст ояд гарм дар оғӯш гир» — таҳти чунин унвон меҳмонии ҷавонони ҷумҳурӣ ба ноҳияи Айнӣ  ва шаҳри Панҷакент оғоз гардид, ки дар он 130 нафар ҷавонони минтақаҳои ҷумҳурӣ иштирок доранд. Меҳмонии ҷавонон дар доираи нақшаи чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо мақомоти иҷроияи ҳокимияти давлатии вилоят ва шаҳру ноҳияҳо сурат мегирад.

Зимни боздид аз ноҳияи Айнӣ ва шаҳри Панҷакент ҷавонон бо маконҳои диданибоб ва ёдгориҳои таърихии ин минтақа шинос гардида, бо мақсади таҳкими дӯстӣ ва шиносоӣ бо расму оинҳои  меҳмоннавозии минтақаҳо иштирокчиён дар хонаҳои истиқоматии ҷавонони шаҳру ноҳияҳои банақшагирифта ҷойгир карда мешаванд.

Ансамбли фолклорию этнографии «Бибиҳо»-и Тоҷикистон дар Фестивали байналмилалии «Баҳори Бойсун» сазовори ҷойи дуюм гардид

Азназаргузаронӣ: 3757

Ансамбли фолклорию этнографии «Бибиҳо»-и назди Раёсати фарҳанги вилояти Суғд таҳти роҳбарии Марям Исоева дар Фестивали байналмилалии «Бойсун баҳори» («Баҳори Бойсун»), ки дар вилояти Сурхондарёи Ӯзбекистон доир шуд, миёни 30 кишвари ҷаҳон сазовори ҷойи дуюм гардид. Дар ин бора аз Раёсати фарҳанги вилояти Суғд хабар доданд.

Фестивали мазкур аз 7 то 8 май дар ноҳияи Бойсуни вилояти Сурхондарё доир гардида, дар он ҳунармандон аз Тоҷикистон, Британияи Кабир, Фаронса, Қазоқистон ва Қирғизистон иштирок карданд.

23 май дар вилояти Суғд Рӯзи ҷавонони Тоҷикистон ҷашн гирифта мешавад

Азназаргузаронӣ: 5131

23 майи соли равон дар вилояти Суғд Рӯзи ҷавонони Тоҷикистон таҳти унвони «Ҷавонон-пайравони Пешвои миллат!» таҷлил карда мешавад.

Дар доираи таҷлили Рӯзи ҷавонон ташкили Фестивали дӯстии ҷавонон дар шаҳру ноҳияҳои вилоят, барномаҳои фарҳангиву фароғатӣ таҳти унвони «Дунё пур аз ҷавонист», озмуни «Дастони моҳир», озмуни мақола ва иншои беҳтарин дар мавзӯи «Пешвои миллат ва ҷавонон», ҳамоишҳои «Созандагиву ободкорӣ мароми мо ҷавонон», «Мо-ҷавонон ба гузаштагони худ эҳтиром мегузорем», «Тозагии соҳил-гарави саломатӣ», «Ҷавонон-пайравони Пешвои миллат», мусобиқаҳои кушоди вилоятӣ аз рӯи намудҳои тенниси рӯи миз, шоҳмот, велосипедронӣ, баскетбол, гӯштини юнонӣ-румӣ, гӯштини камарбандӣ, камонварӣ, ҷудо, волейбол, каратэ, бокс, футбол ва ғайраҳо дар назар дошта шудааст. 

Мақолаҳои боқимонда...