Мақомоти иҷроияи ҳокимияти
давлатии вилояти Суғд
24 майи соли равон дар Ҷамоати деҳоти Палдораки ноҳияи Мастчоҳ дар доираи ҷашни Рӯзи ҷавонони Тоҷикистон толори варзишӣ мавриди баҳрабардорӣ қарор гирифт.
Толори варзишӣ аз ҷониби соҳибкори маҳаллӣ Бахтовар Хушвақтов бо харҷи беш аз 400 ҳазор сомонӣ бунёд гардида, дар он дар як вақт барои тамрини 30 нафар ҷудокорон шароиту имникониятҳо фароҳам оварда шудааст.
23 майи соли 2022 дар маркази вилоят — шаҳри Хуҷанд Рӯзи ҷавонони Тоҷикистон бо шукуҳу шаҳомати хоса ҷашн гирифта шуд.
Тантанаҳои идона бо роҳпаймоии ҷавонони фаъоли вилоят оғоз ёфта, иштирокдорони раҳпаймоӣ аз назди Маҷмаии таърихию фарҳангии «Истиқлол» то макони баргузории ҳамоиши идона — назди Театри давлатии мазҳакаи мусиқии ба номи Камоли Хуҷандӣ ҳаракат намуданд. Ҷавонон бо шукргузорӣ аз фазои орому осудаи Ватани маҳбуб дар даст шиору Парчам ҷонибдориашонро аз сиёсати пешгирифтаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон изҳор дошта, бо руҳияи баланд Рӯзи ҷавононро ҷашн гирифтанд.
Дар Донишкадаи кӯҳию металлургии Тоҷикистон ҷаласаи Шӯрои кор бо ҷавонони назди раиси шаҳри Бӯстон баргузор гардид.
Дар ҷаласаи Шӯрои кор бо ҷавонони назди раиси шаҳр 14 нафар аъзои Шӯро, муовинони раиси шаҳр, роҳбари дастгоҳи раиси шаҳр, роҳбарони воҳидҳои сохторӣ, мақомоти иҷроияи ҳокимияти давлатии шаҳр, роҳбарияти Донишкадаи кӯҳию металлургии Тоҷикистон, роҳбарони муассисаҳои таҳсилоти миёнаи ибтидоӣ ва олии касбии шаҳр, гирандагони стипендияи президентӣ, стипендияи раиси вилоят, стипендияи раиси шаҳр ва ҷавонони касбу кори гуногун иштирок варзиданд.
