СУҒД: Соли 2023 ба маблағи 18,5 млрд. сомонӣ маҳсулоти кишоварзӣ истеҳсол шуд

Дар соли 2023 кишоварзони вилояти Суғд ҷиҳати таъмини рушди соҳа тадбирҳои судманд андешида, ҳаҷми истеҳсоли маҳсулоти кишоварзиро дар ҳамаи шаклҳои хоҷагидории вилоят ба 18,5 млрд. сомонӣ расониданд, ки ба 115,1 фоизи соли 2022 баробар мебошад.

Дар соли 2023 дар ҳамаи шаклҳои хоҷагидорӣ 600 ҳазор тонна картошка, 649,1 ҳазор тонна сабзавот, аз ҷумла 187,3 ҳазор тонна пиёз, 222,5 ҳазор тонна мевагӣ, 157,2 ҳазор тонна зардолу, 38,8 ҳазор тонна себ, 51,3 ҳазор тонна ангур ва 221,8 ҳазор тонна полезӣ истеҳсол карда шуда, нисбат ба соли 2022 истеҳсоли картошка 37,1 ҳазор тонна, сабзавот 40,5 ҳазор тонна, пиёз 29,8 ҳазор тонна, полезиҳо 73,2 ҳазор тонна, мевагиҳо 98,0 ҳазор тонна, зардолу 101,3 ҳазор тонна ва себ 414,1 тонна зиёд гардид.

Хадамоти матбуоти
Раиси вилояти Суғд