3 апрел дар назди Қасри фарҳанги ноҳияи Шаҳристон маъракаи ҷалби ҷавонон ба сафи Қувваҳои Мусаллаҳи Ҷумҳурии Тоҷикистон баргузор гардид.
Дар ҷамъомад роҳбарияти ноҳияи Шаҳристон, роҳбарони сохторҳои ҳифзи ҳуқуқ, раисони ҷамоатҳои деҳот, фаъолони ноҳия, собиқадорон, даъватшавандагон, падару модарони наваскарон иштирок доштанд.
Тазаккур дода шуд, ки Артиши миллӣ дар ҳама давру замон ҳомии марзу бум ва нигаҳбони давлат аз ҳуҷуми бегонагон мебошад ва хушбахтона, имрӯзҳо бо дастгирии Президенти Ҷумҳурии Тоҷикистон муҳтарам Эмомалӣ Раҳмон шароити хизмати ҳарбӣ рӯз аз рӯз беҳтар мегардад.
Дар қисмҳои низомӣ барои ҳайати шахсӣ шароити хуби хизматӣ фароҳам оварда шудааст.
Дар фарҷом тибқи анъанаи миллӣ барои даъватшавандагон маросими нонгазон ва барномаи фарҳангӣ доир ва дастархони идона ороста шуд.
