Бахшида ба Рӯзи ҷавонони Тоҷикистон Раиси вилояти Суғд Раҷаббой Аҳмадзода дар ноҳияи Шаҳристон ҷавонони беморро аёдат кард.
Зимни суҳбат бо волидони ҷавонони бемор таъкид гардид, ки Пешвои миллат муҳтарам Эмомалӣ Раҳмон ба шахсони яккаву танҳо, ятимону маъюбон тавачҷҷуҳи хоса зоҳир намуда, дар асоси сиёсати инсондӯстонаи Сарвари давлат чунин ашхос ҳамеша мавриди таваҷҷуҳ ва ғамхорӣ қарор мегиранд.
Раиси вилоят ба Рухшона Юсупова ва Тоҳир Холбоев, ки ҳарду бо амри тақдир маъюб мебошанд, аз номи Пешвои миллат муҳтарам Эмомалӣ Раҳмон туҳфаҳои моливу пулӣ дастрас намуд.
Сокинони ноҳияи Шаҳристон аз ин таваҷҷуҳ хушҳол гардида, ба Ҳукумати мамлакат миннатдорӣ баён намуданд.
Хадамоти матбуоти
Раиси вилояти Суғд
