Хабарҳо
Дар Гулистон вохӯрии гурӯҳҳои кории ҳайатҳои ҳукуматии Тоҷикистон ва Узбекистон баргузор шуд - 19.10.2021 16:06
СУҒД: Дар Форуми "Имкониятҳои тиҷорату сармоягузорӣ ва дурнамои рушди минтақаҳо" беш аз 400 нафар соҳибкорону сармоягузорони дохиливу хориҷӣ иштирок намуданд - 19.10.2021 15:35
Мулоқоти Раиси вилоят бо соҳибкорони вилоятҳои Липетск ва Воронежи Федератсияи Россия - 18.10.2021 19:49
Суғд: Дар нуҳ моҳ ба маблағи 414,7 млн. доллар маҳсулот содирот шуд - 18.10.2021 13:47
Раиси вилоят бо намоиши эҷодиёти мусаввири шодравон Мирзофирӯз Сулаймонов ошноӣ пайдо намуд - 17.10.2021 11:45
Хуҷанд: Иди Меҳргон бо шукуҳи хоса таҷлил гардид - 16.10.2021 16:59
Ҷаласаи ҷамъбастӣ оид ба натиҷаҳои рушди иҷтимоию иқтисодии вилояти Суғд дар 9 моҳи соли 2021 - 15.10.2021 16:47
Президенти Ҷумҳурии Тоҷикистон Эмомалӣ Раҳмон дар Ҷаласаи Шӯрои сарони давлатҳои аъзои Иттиҳоди Давлатҳои Мустақил иштирок намуданд - 15.10.2021 16:38
Суғд: Ба маблағи 8 млрд. 698,6 млн. сомонӣ маҳсулоти кишоварзӣ истеҳсол карда шуд - 15.10.2021 16:22
Ҳаҷми истеҳсоли маҳсулоти саноатӣ дар вилояти Суғд ба 14,5 млрд. сомонӣ баробар шуд - 15.10.2021 16:21

Паёми табрикии Раиси вилоят бахшида ба Рӯзи кимиёгарон

( 1 Овоз )

Ҳамватанони гиромӣ!

Ҳар сол, якшанбеи охири моҳи май кормандони соҳаи кимиё иди касбии худро таҷлил намуда, ин санаро бо дастовардҳои назарраси меҳнатӣ истиқбол мегиранд.

Имсол иди касбии кормандони меҳнатдӯсту мушкилнописанди соҳа дар партави омодагиҳо ба ҷашни фархундаи миллиамон 25- солагии Истиқлолияти давлатии Ҷумҳурии Тоҷикистон шукӯҳу шаҳомати нав пайдо мекунад.

Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон соҳаи кимиёро яке аз соҳаҳои ниҳоят муҳими хоҷагии халқи мамлакат, ҳамзамон нақши онро дар пешрафти иқтисодиёту иҷтимоиёт ва баланд бардоштани сатҳи зиндагии мардуми кишвар назаррас арзёбӣ намудаанд. Зеро дар замони муосир инсон наметавонад рӯзгору ҳаёти худро бе дастовардҳои илму техника, хусусан бс илми кимиё тасаввур кунад.

Ҳанӯз Максим Горкийи бузург таъкид сохта буд, ки кимиё ин олами аҷоиботест, ки дар он асрори хушбахтии инсон маҳфуз буда, бузургтарин дастовардҳои ақлу заковат дар ин роҳ, амалӣ мегарданд.

Боиси қайд аст, ки иди касбии худро кормандони соҳа бо ворид намудани технологияҳои муосир ва таъсисидиҳии чойҳои нави корӣ таҷлил мекунанд, ки ин ҷонибдорӣ ва амалигардонии сиёсати Ҳукумати Ҷумҳурии Тоҷикистонро таҷассум мекунад.

Дар вилоят нақши соҳаи кимиё дар иқтисодиёт назаррас буда, истеҳсолоти пуриқтидори маҳсулоти кимиёвӣ арзи ҳастӣ дорад. Олимону мутахассисони варзидаи соҳа аз имконияту захираҳои мавҷуда самаранок истифода намуда, ба фаъолияти муназзами корхонаҳои соҳа дар шароити мусоиди рушди иқтисодиёти мамлакат заминаҳои мусоид фароҳам меоваранд. Иқтидорҳои пешина барқарор гардида, фаъолияти корхонаҳои соҳа ба эҳтиёҷоти имрӯза мутобиқ гардонида мешаванд.

Итминони комил дорам, кимёгарони вилоят минбаъд низ шӯҳрати соҳаро аз нав эҳё ва барқарор намуда, баҳри ободии Ватан ва рӯзгори хурраму шоистаи сокинони мамлакати соҳибистиқлоламон хизмати софдилона менамоянд. Кулли кимиёгарони вилоятро бо иди касбиашон, ки баҳри рушди кишвар саҳми арзанда мегузоранд, муборакбод намуда, барояшон саломативу сарбаландӣ ва комёбиҳои беназир таманно дорам.

Ид муборак дӯстони азиз!

ШУМО ДАР: Паёму табрикот Паёми табрикии Раиси вилоят бахшида ба Рӯзи кимиёгарон