Хабарҳо
Мулоқоти Раиси вилояти Суғд бо директори намояндагии Бонки рушди Авруосиё дар Тоҷикистон - 24.09.2021 17:19
Суханронии Президенти Ҷумҳурии Тоҷикистон Эмомалӣ Раҳмон дар мубоҳисаҳои умумии Иҷлоси 76-уми Маҷмаи Умумии Созмони Милали Муттаҳид - 24.09.2021 09:50
Ашт. Иштироки Раиси вилоят Раҷаббой Аҳмадзода дар ҳашари пахтачинӣ - 23.09.2021 19:00
Сарвари давлат Эмомалӣ Раҳмон Варзишгоҳи марказии ноҳияи Балҷувонро мавриди истифода қарор доданд - 23.09.2021 16:43
Президенти Ҷумҳурии Тоҷикистон Эмомалӣ Раҳмон майдони Парчам ва Нишони давлатиро дар маркази ноҳияи Балҷувон ифтитоҳ намуданд - 23.09.2021 16:40
Президенти мамлакат дар Балҷувон Осорхонаи таърихию кишваршиносии ноҳияро ба истифода доданд - 23.09.2021 16:34
Ба муносибати Рӯзи Рӯдакӣ дар Хуҷанд чорабинӣ доир гардид - 23.09.2021 10:10
Ба зодгоҳи аллома Бобоҷон Ғафуров китоби "Тоҷикон" - туҳфаи арзишманди Пешвои миллат муҳтарам Эмомалӣ Раҳмон бо теъдоди 63 940 нусха дастрас гардид - 23.09.2021 10:08
Таҷлили Рӯзи Рӯдакӣ дар шаҳри Гулистон - 23.09.2021 09:57
Нашри китоби "30 баҳори Истиқлол" дар Хуҷанд - 22.09.2021 15:55

Паёми табрикии Раиси вилоят ба муносибати Рӯзи энергетикҳо

( 0 Овоз )

Ҳамасола 22-юми декабр дар кишвари азизамон Рӯзи энергетикҳо таҷлил мегардад. Ба ин муносибат ҳамаи кормандони ин соҳаи муҳимро табрику таҳният менамоям.

Солҳои охир рушду нумӯи соҳаи энергетика дар вилоят афзалият пайдо кардааст. Афзудани тавлидоти нерӯи барқ боис гардид, ки соҳаҳои муҳимтарини хоҷагии халқ, аз ҷумла саноат, афзоиш ёбанд.

Дар Паёми худ Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қайд намуданд: «Бо назардошти он, ки ягон кишвар тараққиёти худро бе рушди энергетика таъмин карда наметавонад, мо расидан ба истиқлолияти энергетикӣ ва истифодаи самарабахши нерӯи барқро ҳамчун яке аз ҳадафҳои стратегии давлат муайян кардаем».

Боиси ифтихор аст, ки санаи 16 ноябри соли 2018 агрегати якуми Нерӯгоҳи барқи обии «Роғун» бо иштироки Пешвои миллат муҳтарам Эмомалӣ Раҳмон ба истифода дода шуд ва нури раҳмонӣ ба ҳар хонаводаи тоҷику тоҷикистониён ворид гардид.

Бояд таъкид кард, ки сарбанди нерӯгоҳи «Рогун» баландтарин садди заминӣ дар ҷаҳон ба ҳисоб рафта, калонтарин нерӯгоҳи барқи обӣ дар минтақа маҳсуб меёбад, ки он барои амалӣ намудани ҳадафи стратегӣ – расидан ба истиқлолияти энергетикӣ арзиши калидӣ дорад. Боиси хурсандист, ки ҷомеаи ҷаҳонӣ ва мардуми кишварҳои ҳамсоя бунёди ин сохтмони ҳаётан муҳими Тоҷикистон ва муҳимияти онро барои рушди минтақа дарк ва ҷонибдорӣ намуданд.

Дар назар аст, ки баъди таҷдид ва барқарорсозии нерӯгоҳи барқи обии Қайроққум истеҳсоли миёнаи нерӯи барқ 38 фоиз афзуда, мӯҳлати истифодаи таҷҳизоти он зиёд мегардад.

Бо боварии комил метавон гуфт, лоиҳаҳое, ки дар соҳаи энергетикаи вилоят амалӣ шуда истодаанд, рушди бемайлони соҳаҳои хоҷагии халқро таъмин менамоянд.

Дар ин радиф, ба Шумо, энергетикҳои вилоят, барору комёбӣ ва дастовардҳои фараҳбахши меҳнатиро таманно менамоям.

Иди касбӣ муборак, дӯстони азиз!


ШУМО ДАР: Паёму табрикот Паёми табрикии Раиси вилоят ба муносибати Рӯзи энергетикҳо