Хабарҳо
Мулоқоти Раиси вилояти Суғд бо директори намояндагии Бонки рушди Авруосиё дар Тоҷикистон - 24.09.2021 17:19
Суханронии Президенти Ҷумҳурии Тоҷикистон Эмомалӣ Раҳмон дар мубоҳисаҳои умумии Иҷлоси 76-уми Маҷмаи Умумии Созмони Милали Муттаҳид - 24.09.2021 09:50
Ашт. Иштироки Раиси вилоят Раҷаббой Аҳмадзода дар ҳашари пахтачинӣ - 23.09.2021 19:00
Сарвари давлат Эмомалӣ Раҳмон Варзишгоҳи марказии ноҳияи Балҷувонро мавриди истифода қарор доданд - 23.09.2021 16:43
Президенти Ҷумҳурии Тоҷикистон Эмомалӣ Раҳмон майдони Парчам ва Нишони давлатиро дар маркази ноҳияи Балҷувон ифтитоҳ намуданд - 23.09.2021 16:40
Президенти мамлакат дар Балҷувон Осорхонаи таърихию кишваршиносии ноҳияро ба истифода доданд - 23.09.2021 16:34
Ба муносибати Рӯзи Рӯдакӣ дар Хуҷанд чорабинӣ доир гардид - 23.09.2021 10:10
Ба зодгоҳи аллома Бобоҷон Ғафуров китоби "Тоҷикон" - туҳфаи арзишманди Пешвои миллат муҳтарам Эмомалӣ Раҳмон бо теъдоди 63 940 нусха дастрас гардид - 23.09.2021 10:08
Таҷлили Рӯзи Рӯдакӣ дар шаҳри Гулистон - 23.09.2021 09:57
Нашри китоби "30 баҳори Истиқлол" дар Хуҷанд - 22.09.2021 15:55

Паёми шодбошии Раиси вилоят Раҷаббой Аҳмадзода ба муносибати Рӯзи мошинсозон

( 0 Овоз )

Ҳамватанони азиз!

Кормандон ва собиқадорони соҳаи мошинсозии вилоятро бо иди касбиашон, ки ҳар сол якшанбеи охири моҳи сентябр таҷлил мегардад, табрику муборакбод менамоям.

Соҳаи мошинсозӣ солҳои охир эҳё гардида, ривоҷу равнақ меёбад ва ба равандҳои иқтисодӣ таъсири мусбат мерасонад, ки ин натиҷаи сиёсати бунёдкоронаи Ҳукумати мамлакат маҳсуб меёбад. Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон саноатро меҳвари асосии иқтисодиёт ҳисобида, таъкид менамоянд, ки ворид намудани технологияи нави муосир, таъсиси ҷойҳои нави корӣ ва истеҳсоли маҳсулоти рақобатпазир аз вазифаҳои муҳими рӯз аст.

Дар иртибот ба ин, дар вилоят ба рушди корхонаҳои ин соҳа таваҷҷуҳи хоса зоҳир ва барои барқарор кардани иқтидори онҳо ҳаматарафа кӯмак расонида мешавад. Хушбахтона, тадбирҳои андешидаи Мақомоти иҷроияи ҳокимияти давлатии вилоят натиҷаҳои хуб медиҳанд ва рушди бемайлони соҳа торафт ба назар намоён мегардад.

Саҳми кормандони ин соҳа дар амалӣ гардидани ҳадафҳои асосии давлату Ҳукумат зиёд буда, ҷиҳати аз кишвари аграрӣ-саноатӣ ба кишвари саноатӣ-аграрӣ табдил додани он мусоидат менамояд.

Маҳсулоти истеҳсолнамудаи кормандони соҳа, аз қабили қисмҳои эҳтиётӣ барои қатораҳо, техникаи соҳаи кишоварзӣ, таҷҳизоти барқӣ, радио, аробачаи маъюбон ва ғайра имрӯз писанди мизоҷон буда, барои ривоҷу равнақи хоҷагии халқ мусоидат менамояд.

Саҳми кормандони соҳа дар истеҳсоли маҳсулот ва ғанӣ гардидани буҷети вилоят назаррас буда, онҳо дар ҳашт моҳи соли 2018 ҳаҷми истеҳсоли маҳсулотро ба 13 миллион сомонӣ расониданд. Итминони комил дорам, ки роҳбарият, кормандони муҳандисӣ, техникӣ ва коргарони корхонаҳои соҳа анъанаҳои беҳтарини меҳнатиро идома дода, баҳри амалӣ гардонидани сиёсати пешгирифтаи Пешвои миллат ва Ҳукумати Ҷумҳурии Тоҷикистон саҳми босазо мегузоранд.

Кулли кормандони соҳаи мошинсозии вилоятро бо иди касбиашон муборакбод намуда, барояшон саломативу сарбаландӣ ва комёбиҳои беназир таманно дорам.

Иди касбӣ муборак!

ШУМО ДАР: Паёму табрикот Паёми шодбошии Раиси вилоят Раҷаббой Аҳмадзода ба муносибати Рӯзи мошинсозон