Хабарҳо
Мулоқоти Раиси вилояти Суғд бо директори намояндагии Бонки рушди Авруосиё дар Тоҷикистон - 24.09.2021 17:19
Суханронии Президенти Ҷумҳурии Тоҷикистон Эмомалӣ Раҳмон дар мубоҳисаҳои умумии Иҷлоси 76-уми Маҷмаи Умумии Созмони Милали Муттаҳид - 24.09.2021 09:50
Ашт. Иштироки Раиси вилоят Раҷаббой Аҳмадзода дар ҳашари пахтачинӣ - 23.09.2021 19:00
Сарвари давлат Эмомалӣ Раҳмон Варзишгоҳи марказии ноҳияи Балҷувонро мавриди истифода қарор доданд - 23.09.2021 16:43
Президенти Ҷумҳурии Тоҷикистон Эмомалӣ Раҳмон майдони Парчам ва Нишони давлатиро дар маркази ноҳияи Балҷувон ифтитоҳ намуданд - 23.09.2021 16:40
Президенти мамлакат дар Балҷувон Осорхонаи таърихию кишваршиносии ноҳияро ба истифода доданд - 23.09.2021 16:34
Ба муносибати Рӯзи Рӯдакӣ дар Хуҷанд чорабинӣ доир гардид - 23.09.2021 10:10
Ба зодгоҳи аллома Бобоҷон Ғафуров китоби "Тоҷикон" - туҳфаи арзишманди Пешвои миллат муҳтарам Эмомалӣ Раҳмон бо теъдоди 63 940 нусха дастрас гардид - 23.09.2021 10:08
Таҷлили Рӯзи Рӯдакӣ дар шаҳри Гулистон - 23.09.2021 09:57
Нашри китоби "30 баҳори Истиқлол" дар Хуҷанд - 22.09.2021 15:55

Паёми табрикии Раиси вилоят Раҷаббой Аҳмадзода ба муносибати Рӯзи Мавлоно Ҷалолиддини Балхӣ

( 0 Овоз )

Ҳамдиёрони азиз!

Мақом, осори адабӣ ва зиндагиномаи бузургтарин суханвари адаби тоҷикӣ - форсӣ Мавлоно Ҷалолиддин Муҳаммади Балхӣ  тӯли қарнҳо мавриди таваҷҷуҳи дӯстдорони шеър ва ирфон буд, зеро осори ин шахсияти оламшумул нишони ҷовидонии тамаддун ва андешаи миллӣ маҳсуб меёбад.

Боиси ифтихор аст, ки осори ин абармарди сухан аз тарафи донишмандон мавриди таҳқиқ ва омӯзиш қарор гирифта, бо гузашти асрҳо ба он чун ба як сарчашмаи шинохти зиндагӣ ва ҳастии инсон муносибат доранд. Мавлоно аз шумори суханваронест, ки каломи ҷонбахш ва андешаи маънавии ӯ барои маърифат ва хушбахтии маънавии башар асрҳо хидмат хоҳад кард.

Ҳукумати Ҷумҳурии Тоҷикистон дар партави сиёсати хирадмандонаву дурандешонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ    Раҳмон ба масъалаи арҷ гузоштан ба гузаштаи пурифтихор, гиромӣ доштани таъриху фарҳанги ғании ачдодӣ, таҷлили солгарди шахсиятҳои таърихию бузургони илму адаб ва дар ҳамин замина, бедор намудану рушд бахшидани худшиносию худогоҳӣ ва эҳсоси баланди шаҳрвандии сокинони кишвар аҳамият дода, ин амали хайрро ҷузъи муҳими барномаи сиёсати фарҳангии кишвар қарор додааст.

Аз тарафи ташкилоти байналмилалии Юнеско дар соли 2007 эълон гардидани Соли Мавлоно Ҷалолиддини Балхӣ боиси ифтихор ва баёнгари шуҳрати ҷаҳонии Мавлоно мебошад.

Таҷлили Рӯзи Мавлоно Ҷалолиддини Балхӣ рӯзи маърифату фарҳанг ва тарғиби осори бегазанди адибони классику муосир ба шумор рафта, аз он гувоҳӣ медиҳад, ки ҳусни калом ва сухани Мавлоно то ҳол ранг набохтааст ва барои насли имрӯзу оянда чун раҳнамои маънавӣ хизмат менамояд.

Итминони комил дорам, ки бо омӯзиш, тарғиби осор ва зиндагиномаи Мавлоно Ҷалолиддини Балхӣ ҷомеаи мо барои боз ҳам бештар гиромӣ доштани анъанаҳои неки миллӣ, шинохти осори адабӣ ва забони модарӣ кӯшиш намуда, дар бунёди ҷомеаи пешрафта саҳми амиқ мегузорад.

Рӯзи Мавлоно Ҷалолиддини Балхӣ муборак, ҳамдиёрони азиз!

ШУМО ДАР: Паёму табрикот Паёми табрикии Раиси вилоят Раҷаббой Аҳмадзода ба муносибати Рӯзи Мавлоно Ҷалолиддини Балхӣ