Хабарҳо
Фармонҳои Президенти Ҷумҳурии Тоҷикистон - 27.01.2022 14:07
Президенти мамлакат Эмомалӣ Раҳмон дар ҳайати роҳбарии якчанд мақомоти давлатӣ тағйироти кадрӣ ба амал бароварданд - 27.01.2022 14:00
Сокинони Исфара Иди Садаро бо шаҳомати хоса ҷашн гирифтанд - 27.01.2022 08:41
Густариши корҳои ободонию созандагӣ дар ноҳияи Спитамен - 27.01.2022 08:39
Дар Панҷакент Иди Садаро ҷашн гирифтанд - 27.01.2022 08:37
Қарорҳои Ҳукумати Ҷумҳурии Тоҷикистон - 26.01.2022 17:35
Фармонҳои Президенти Ҷумҳурии Тоҷикистон - 26.01.2022 16:13
Пешвои миллат Эмомалӣ Раҳмон як қатор тағйироти кадрӣ ба амал оварданд - 26.01.2022 16:08
Таҷлили ҷашни Сада дар ноҳияи Деваштич - 26.01.2022 13:28
Бахшида ба Иди Сада дар ноҳияи Мастчоҳ ярмарка-фурӯши маҳсулоти кишоварзӣ ташкил шуд - 26.01.2022 13:25

Навиди Суғд


Сокинони Исфара Иди Садаро бо шаҳомати хоса ҷашн гирифтанд

( 0 Овоз )

Дар  шаҳри Исфара ҷашни аҷдодӣ -Иди Сада бо шукӯҳу шаҳомати хоса таҷлил гардид.

Дар гулбоғи ба номи Сайфи Исфарангии маркази шаҳр, ки идгоҳи асосӣ буд, техникаи кишоварзӣ, ниҳолу гулбуттаҳо, сабзавоту меваҳои шаҳдрез ва тухмии зироатҳо ба намоиш гузошта шуд, ки ифодагари  омодагии марди деҳқон ба фасли баҳор буд.

Маҳсули ҳунарҳои мардумии  ба намоиш гузошташудаи намояндагони ҷамоатҳои шаҳраку деҳот, корхонаву ташкилот ва муассисаҳои таълимӣ аз завқи баланд, маҳорати беназир ва таърихи бойи косибиву ҳунармандӣ дар Исфара дарак медод.

Раиси шаҳри Исфара Баҳоваддин Баҳодурзода зимни ироаи паёми табрикии худ  гуфт, ки дар замони истиқлолият иди Сада баробари дигар маросиму суннатҳои миллии мо умри дубора пайдо карда, таҷлили ҳарсолаи он ба ҳукми анъана даромад ва дар  радифи ҷашнҳои миллиамон ба қонунгузории мамлакат ворид гардид. Боиси ифтихор аст, ки ба шарофати соҳибистиқлолӣ анъанаву суннатҳо ва ҷашнҳои миллии мардуми куҳанбунёди мо эҳё гардида, арҷгузорӣ ба онҳо сол ба сол бештар шуда истодааст.

Сада иди мужда аз тайёрӣ ва пеша намудани корҳои нави кишоварзӣ маҳсуб мешавад. Тоҷикон,  ки аз қадимулайём мардуми кишоварз буда,  бо меҳнату заҳмати хеш маводи ғизоӣ ба даст меоварданд, аз ин рӯ аввалин тарғибкунандагони ин иди аҷдодӣ мебошанд.

Ин маросими ҷашнӣ ҳамеша ба шакли дастаҷамъӣ ва бо ҷамъ шудани мардуми шаҳр, маҳалла ва деҳот дар як ҷо бо оташафрӯзии бузургу суруру шодмонӣ баргузор мегардад.

Дар рафти таҷлили ҷашни Сада дар вазъи тантанавӣ ба беҳтарин кишоварзону боғпарварон ва чорводорони шаҳру деҳоти Исфара Сипоснома ва тӯҳфаҳои хотиравӣ супорида шуд.

Дар анҷом барномаи фарҳангии пурмӯҳтаво пешкаши ҳозирин гардонида шуд.

Хадамоти матбуоти
Раиси вилояти Суғд

Густариши корҳои ободонию созандагӣ дар ноҳияи Спитамен

( 0 Овоз )

Дар партави дастуру супоришҳои Асосгузори сулҳу ваҳдати миллӣ-Пешвои миллат, Президенти кишвар муҳтарам Эмомалӣ Раҳмон дар ноҳияи Спитамен ҷиҳати вусъати корҳои ободонию созандагӣ тадбирҳои зарурӣ амалӣ гардида истодааст.

Аз ҷумла, рӯзи 26 январи соли 2022 дар кӯчаҳои марказии ноҳияи Спитамен ва Ҷамоати шаҳраки Навкат корҳои ободонӣ иҷро шуда, дарахтони ҳамешасабзу ороишӣ шинонида шуд

Дар маъракаи ободонию кабудизоркунӣ раиси ноҳия Темурҷон Нӯмонзода низ иштирок карда, ба масъулин дастур дод, ки ободкориро дар меҳвари фаъолияти худ қарор дода, баҳри иҷрои супоришҳои Пешвои муаззами миллат кӯшиш намоянд.

Гуфта мешавад, ки корҳои ободонӣ дар дигар ҷамоатҳои ноҳия низ идома хоҳад ёфт.

Хадамоти матбуоти
Раиси вилояти Суғд

Дар Панҷакент Иди Садаро ҷашн гирифтанд

( 0 Овоз )

26 январи соли 2022 дар боғи фарҳангӣ фароғатии ба номи Абӯабдуллоҳи Рӯдакии шаҳри Панҷакент ҷашни Сада бо шукӯҳу шаҳомати хоса таҷлил гардид.

Муфассал...

Таҷлили ҷашни Сада дар ноҳияи Деваштич

( 0 Овоз )

25 январи соли 2022 дар маркази Ҷамоати деҳоти Исмоили  Сомонии ноҳияи Деваштич  бахшида ба ҷашни Сада чорабинӣ баргузор гардид.

Дар чорабинӣ раиси ноҳияи Деваштич Ашуралӣ Ҷалилзода, роҳбарони мақомоти ҳифзи ҳуқуқ, мудирони шӯъбаю  бахшҳои мақомоти иҷроияи ҳокимияти давлатии ноҳия, роҳбарони ташкилоту  корхонаҳои ноҳия, раисони ҷамоатҳои шаҳраку деҳот ва сокинони ноҳия иштирок доштанд.

Дар растаҳои алоҳида  дастранҷи ҳунармандон - маҳсулоти гулдӯзиву сӯзанидӯзӣ, бофандагиву қуроқдӯзӣ, кулолгарӣ, кандакорӣ, рассомӣ, тоқидӯзӣ, дӯзандагӣ, атласу адрасбофӣ ва намудҳои гуногуни хӯроку хӯришҳои миллӣ пешкаш гардиданд.

Сипас, чорабинии идонаи фарҳангӣ оғоз гардид.  Сараввал раиси ноҳияи Деваштич кулли сокинони ноҳияро бо ҷашни Сада табрику муборакбод намуд.

-Дар замони Истиқлолияти кишвар ва  бо кӯшишу талошҳои  Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон ҷашни Сада шукӯҳу шаҳомати таърихии хешро барқарор кард. Сада чун идҳои Наврӯзу Меҳргон ва Тиргон яке аз ҷашнҳои басо қадимии мардуми ориённажод буда, дар аҳди қадим мутантану пуршукӯҳ бо шодию сурур, оташафрӯзию гулханфурӯзӣ, рақсу тарона ва оростани хони пурнозу неъмат ҷашн гирифта мешуд,- қайд намуд, раиси ноҳия.

Дар охир аҳли фарҳанги ноҳия барномаи ҷолиби консертиро пешниҳоди сокинон намуданд.

Хадамоти матбуоти
Раиси вилояти Суғд

Бахшида ба Иди Сада дар ноҳияи Мастчоҳ ярмарка-фурӯши маҳсулоти кишоварзӣ ташкил шуд

( 0 Овоз )

26 январ ба муносибати ҷашни Иди Сада ва бо мақсади фаровон намудани дастархони мардум дар назди Боғи фарҳангию фароғатии “Тоҷикистон”-и шаҳраки Бӯстони ноҳияи Мастчоҳ ярмарка-фурӯши маҳсулоти хоҷагии қишлоқ баргузор гардид.

Аз ҷониби ҷамоату шаҳракҳои деҳот, соҳибкорон, кишоварзон ва корхонаҳо маҳсулоти кишоварзӣ, аз қабили картошка, пиёз, сабзӣ, бодирингу помидор, меваҳои гуногун, тухм, гӯшти гову гӯсфанд ва мурғ, орду равған, ҳасиб ва дигар маҳсулоти озуқаворӣ бо нархҳои нисбат ба бозор арзон ба фурӯш гузошта шуданд.

Ярмарка-фурӯши маҳсулоти кишоварзӣ бо дастуру ҳидоятҳои Пешвои миллат муҳтарам Эмомалӣ Раҳмон  ва бо мақсади бо нархҳои нисбатан арзон ба аҳолӣ пешниҳод намудани маводи хӯрока доир шуда, сокинон метавонанд маҳсулоти зарурии худро арзонтар аз бозор харидорӣ намоянд.

Сокинони ноҳия ин иқдомро хубу саривақтӣ арзёбӣ намуда, маҳсулоти заруриро бо нархҳои дастрас ва нисбат ба бозору мағозаҳо арзонтар харидорӣ намуданд.

Хадамоти матбуоти
Раиси вилояти Суғд

ШУМО ДАР: Навиди Суғд