Хабарҳо
Мулоқоти Раиси вилояти Суғд бо директори намояндагии Бонки рушди Авруосиё дар Тоҷикистон - 24.09.2021 17:19
Суханронии Президенти Ҷумҳурии Тоҷикистон Эмомалӣ Раҳмон дар мубоҳисаҳои умумии Иҷлоси 76-уми Маҷмаи Умумии Созмони Милали Муттаҳид - 24.09.2021 09:50
Ашт. Иштироки Раиси вилоят Раҷаббой Аҳмадзода дар ҳашари пахтачинӣ - 23.09.2021 19:00
Сарвари давлат Эмомалӣ Раҳмон Варзишгоҳи марказии ноҳияи Балҷувонро мавриди истифода қарор доданд - 23.09.2021 16:43
Президенти Ҷумҳурии Тоҷикистон Эмомалӣ Раҳмон майдони Парчам ва Нишони давлатиро дар маркази ноҳияи Балҷувон ифтитоҳ намуданд - 23.09.2021 16:40
Президенти мамлакат дар Балҷувон Осорхонаи таърихию кишваршиносии ноҳияро ба истифода доданд - 23.09.2021 16:34
Ба муносибати Рӯзи Рӯдакӣ дар Хуҷанд чорабинӣ доир гардид - 23.09.2021 10:10
Ба зодгоҳи аллома Бобоҷон Ғафуров китоби "Тоҷикон" - туҳфаи арзишманди Пешвои миллат муҳтарам Эмомалӣ Раҳмон бо теъдоди 63 940 нусха дастрас гардид - 23.09.2021 10:08
Таҷлили Рӯзи Рӯдакӣ дар шаҳри Гулистон - 23.09.2021 09:57
Нашри китоби "30 баҳори Истиқлол" дар Хуҷанд - 22.09.2021 15:55

Мулоқоти Раиси вилоят Раҷаббой Аҳмадзода ​ бо Жениш Рустамбеков

( 0 Овоз )

28 феврали соли 2019 Раиси вилояти Суғд Раҷаббой Аҳмадзода Сафири Фавқулода ва Мухтори Ҷумҳурии Қирғизистон дар Ҷумҳурии Тоҷикистон Жениш Рустамбековро ба ҳузур пазируфт.

Зимни суҳбат ҷонибҳо аз муносибатҳои дӯстонаву бародаронаи ду кишвари ҳамсоя – Тоҷикистону Қирғизистон ёдовар шуда, оид ба таҳкими робитаҳои иқтисодиву тиҷоратӣ ва фарҳангӣ мубодилаи афкор намуданд.

Раиси вилоят Раҷаббой Аҳмадзода иброз дошт, ки Ҷумҳурии Тоҷикистон таҳти роҳбарии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо кишварҳои гуногуни олам, аз ҷумла давлатҳои Осиёи Марказӣ ҳамкориҳои густурда дорад. Натиҷаи чунин ҳамкориҳост, ки гардиши молу маҳсулот бо кишварҳои ҳамсоя бо шумули Қирғизистон сол ба сол зиёд гардида истодааст.​ Таъкид гардид, ки вилояти Суғд бо вилояти Боткенти Қирғизистон ҳамсарҳад буда, робитаи миёни вилоятҳо бо риояи анъанаву суннатҳои неки ҳамсоядорӣ мустаҳкам гардидааст.

Жениш Рустамбеков бо изҳори ташаккур аз истиқболи гарму самимӣ изҳор намуд, ки халқи тоҷик бо роҳбарии Сарвари давлат муҳтарам Эмомалӣ Раҳмон ба дастовардҳои назаррас ноил гардида истодааст. Мавриди истифода қарор гирифтани чархи аввали Нерӯгоҳи барқи обии “Роғун”, ки яке аз чунин дастовардҳо маҳсуб меёбад, на танҳо барои миллати тоҷик балки барои тамоми минтақа манфиатбахш мебошад .

Дар рафти мулоқот ҷонибҳо ҳамзамон масъалаҳои гуногунро баррасӣ намуда, барои тақвияти ҳамкориҳои фарҳангӣ ва муборизаи якҷоя ба муқобили терроризму экстремизм омодагии хешро баён доштанд. ​ ​

Хадамоти матбуоти

Раиси вилояти Суғд

ШУМО ДАР: Навид Мулоқоти Раиси вилоят Раҷаббой Аҳмадзода ​ бо Жениш Рустамбеков