Хабарҳо
Ҷаласаи Шўрои Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид - 04.08.2020 14:26
Барои идомаи сохтмони хати оби нӯшокӣ дар шаҳраки Шӯроб дар марҳилаи аввал 1,2 миллион сомонӣ ҷудо гардидааст - 04.08.2020 09:54
6 август дар Душанбе ҷаласаи дуюми якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати шашум доир мешавад - 04.08.2020 09:50
Хуҷанд: Тақдими 150 адад либосҳои мактабӣ ба хонандагони ятиму камбизоат - 04.08.2020 09:45
Оғози корҳои таъмиру мумфаршкунии 1,5 километр роҳ дар Ҷамоати деҳоти Ворух - 04.08.2020 09:41
Наимова Раҷамо модари Сангова Сумая духтаре, ки Кури Юнус фиребаш дод - 03.08.2020 23:23
Дар ноҳияи Спитамен корхонаи коркади шир бунёд ва 50 нафар бо ҷойи корӣ таъмин мегарданд - 03.08.2020 15:11
Таҷрибаи оилаи Эмомовҳо дар самти захираи маҳсулот шоистаи пайравӣ аст - 03.08.2020 15:09
Шиносоии Раиси вилоят бо сохтмони бинои баландошёнаи истиқоматӣ бо нуқтаҳои хизматрасонӣ ва кинотеатри замонавӣ дар ноҳияи Спитамен - 03.08.2020 14:38
Шиносоии Раиси вилоят бо тарзи истифодабарии замини хоҷагиҳои ёрирасон - 03.08.2020 14:29

Қоидаи грантҳо барои дастгирӣ ва рушди ҳунарҳои дастии қолинбофӣ, сӯзанидӯзӣ, адрасбофӣ дар соли 2014

( 0 Овоз )

Қоидаҳои

ҷудо намудани грантҳои мақомоти иҷроияи ҳокимияти давлатии вилояти Суғд оид ба дастгирӣ ва рушди ҳунарҳои дастии қолинбофӣ, сӯзанидӯзӣ ва адрасбофӣ барои соли 2014

1. Қоидаҳои мазкур бо мақсади дастгирӣ ва рушди ҳунарҳои қолинбофӣ, сӯзанидӯзӣ ва адрасбофӣ таҳия гардидааст. Грантҳои мақомоти иҷроияи ҳокимияти давлатии вилояти Суғд ба занҳои ҳунарманд ва соҳибкор - шахсони алоҳидаи воқеие, ки лоиҳаҳои таҳия  намудаи онҳо бозгӯйи масоили умда буда, ба саҳми арзандаи занон дар рушди ҳунарҳои қолинбофӣ, сӯзанидӯзӣ, адрасбофӣ, фаъолияти соҳибкории онҳо дар ин самт ва сатҳи  баланди  эҷодӣ  мусоидат мекунанд, ҷудо карда  мешавад.

2. Дастгирии грантӣ аз иҷрои дастуру супоришҳои Президенти Ҷумҳурии Тоҷикистон зимни мулоқот бо соҳибкорони ватанӣ аз 25 декабри соли 2007, ҳамчунин дастуру супоришҳо ҷиҳати эҳё намудани ҳунарҳои миллии ниёгон ва корҳои хонагӣ, дастуру супоришҳои Раиси вилоят зимни мулоқот бо занони ҳунарманд, аз ҷумла ҳунармандони қолинбофии дастӣ, сӯзанидӯзӣ ва татбиқи нақшаи чорабиниҳои Барномаи давлатии «Тайёр кардани мутахассисон аз ҳисоби занон ва мусоидат ба шуғли онҳо барои солҳои 2012-2015» бармеояд.

3. Барои  татбиқи  фаъолият  оид ба дастгирии грантӣ Комиссияи грантҳои мақомоти иҷроияи ҳокимияти давлатии вилоят (минбаъд Комиссия) таъсис дода мешавад. Комиссия вобаста ба соҳаҳо ва минтақаҳо квотаро муайян  менамояд.

4. Ҳайати Комиссияи мазкур бо қарори Раиси вилоят тасдиқ карда мешавад. Фаъолияти Комиссия мутобиқи Қоидаҳои мазкур танзим карда мешавад. Комиссия дар назди мақомоти иҷроияи ҳокимияти давлатии вилоят ҳисоботдиҳанда мебошад.

5. Тартиби ба расмият  даровардани лоиҳаҳои дархостӣ ва пешниҳоди иттилооти зарурӣ ҷиҳати иштирок дар озмун аз ҷониби Комиссия дар  воситаҳои ахбори умум нашр мегардад. Лоиҳаҳои дархостии ба Озмун пешниҳодшуда аз ҷониби Комиссия дар мӯҳлати як моҳ баррасӣ мегарданд.

6. Занони ҳунарманд ва соҳибкор - шахсони  алоҳидаи воқеии вилояти Суғд субъектҳои асосии татбиқи фаъолият оид ба дастгирии грантӣ мебошанд. Барои иштирок дар озмун ҳамчунин дархостҳои дастаҷамъонаи занҳои ҳунарманд, соҳибкор - шахсони алоҳидаи воқеии  вилояти Суғд, ки барои  гирифтани як грант довталаб мебошанд, қабул карда мешаванд.

7. Барои иштирок дар Озмун танҳо он занҳои ҳунарманд ва соҳибкор – шахсони алоҳидаи воқеии вилоят иҷозат дода мешаванд, ки фаъолияташон ба дастгирии рушди ҳунарҳои дастии қолинбофӣ, сӯзанидӯзӣ ва адрасбофӣ нигаронида шудааст.

8. Қабули дархостҳо ҷиҳати иштирок  дар Озмун  пас аз чопи эълони Озмун дар воситаҳои ахбори умум шурӯъ мегардад.

9. Иштирокчиёни Озмун лоиҳаи барномаҳоро мутобиқи намунаи дархости муқаррарнамудаи Комиссия, ки дар он шартҳо оид ба пешниҳоди лоиҳаи барномаҳо инъикос ёфтааст, пешниҳод менамоянд. Иштирокчиёни Озмун ба Комиссия лоиҳаи  барномаро мутобиқи намунаи дархостии муқаррарнамуда барои ҳунармандон - соҳибкорон,  шахсони алоҳидаи воқеии вилояти Суғд, ки нусхаи ҳуҷҷати тасдиқкунандаи дар мақомоти андоз будан, маълумот дар бораи фаъолияти анҷомдодаи соҳаи соҳибкорӣ, мактуби дастгирии бахши кор бо занон ва оилаи шаҳру ноҳияҳоро доранд, пешниҳод  менамоянд.

10. Комиссия ҳуҷҷатҳоро ба таври инфиродӣ, дар мӯҳлати як моҳ аз лаҳзаи  қабул шуданаш баррасӣ менамояд. Шакли асосии фаъолияти комиссия тариқи ҷаласа сурат мегирад. Қарорҳои комиссия дар шакли протокол расмӣ карда мешавад. Ҷаласаҳои комиссия дар сурати иштироки аз 3 2 ҳиссаи аъзоёни он баргузоршуда ҳисобида мешавад. Мӯҳлати амалигардонии  ҳар  як  лоиҳаи барнома на камтар аз 6 моҳ муқаррар карда мешавад. Лоиҳаҳои дархостие, ки мутобиқи  намунаи дархостии муқарраргардида таҳия нашудаанд, барои  баррасӣ қабул  карда  намешаванд. Натиҷаи Озмун  дар маҷаллаю рӯзномаҳои вилоятӣ чоп карда мешавад.

11. Ҳуҷҷатҳои лоиҳаи барномаҳои занҳои соҳибкор – шахсони    воқеӣ, ки ба Озмун пешниҳод намудаанд ва аз он нагузаштаанд, баргардонида намешавад.

12. Дар байни мақомоти иҷроияи ҳокимияти давлатии вилоят ва занҳои ҳунарманд, соҳибкор - шахсони воқеӣ, ки лоиҳаи барномаҳояшон дар Озмун ғолиб омадаанд, оид ба татбиқи лоиҳаи барнома шартномаи тарафайн ба имзо мерасад, ки дар он ӯҳдадории тарафҳо ва шартҳои маблағгузории лоиҳа  муайян  карда  мешаванд.

13. Танҳо 30 дархости  беҳтарин маблағгузорӣ карда шуда, маблағи грант бо назардошти воқеии харҷнома муайян карда  мешавад. Баъди гузаронидани озмун ва муайян намудани ғолибони он рӯйхат бо назардошти натиҷаҳо, квотаҳои муқарраргардида ва тавсияҳои мавҷуда ба мақомоти иҷроияи ҳокимияти давлатии вилоят пешниҳод мегардад.

14. Ҷудо намудани грантҳо мутобиқи нақшаи хароҷотии пешниҳодшудаи лоиҳаи  барнома  оид  ба иҷрои  ин ё он фаъолият сурат мегирад. Масъалаҳои вобаста ба гузаронидани Озмун ва ҷудо намудани  грантҳо, ки тибқи  ҳамин қоидаҳо  танзим мегарданд, аз ҷониби мақомоти иҷроияи ҳокимияти давлатии вилоят муқаррар карда мешаванд.

15. Харҷи  мақсадноки грантҳои ҷудошуда  ва мониторинги  онҳо  аз  ҷониби шӯъбаи кор  бо  занон  ва оилаи мақомоти иҷроияи ҳокимияти давлатии вилоят, Раёсати сармоягузорӣ ва идораи амволи давлатии вилоят ва Сарраёсати молияи вилоят анҷом  дода  мешавад.

ШУМО ДАР: БАХШҲО Озмунҳо Қоидаи грантҳо барои дастгирӣ ва рушди ҳунарҳои дастии қолинбофӣ, сӯзанидӯзӣ, адрасбофӣ дар соли 2014