Хабарҳо
Айнӣ. Раиси вилоят ба пайвандони фавтидагон изҳори ҳамдардӣ намуд - 04.06.2020 16:27
Мулоқоти Раиси вилоят бо кормандони соҳаи тандурустии ноҳияи Айнӣ - 04.06.2020 16:30
Дар ноҳияи Айнӣ ҷаласаи ситоди сайёри назди Раиси вилоят оид ба пурзӯр намудани тадбирҳои зиддиэпидемиявӣ ва пешгирӣ аз паҳншавии сирояти коронавирус COVID-19 доир шуд - 04.06.2020 16:33
Шиносоии Раиси вилоят бо рафти ҷамъоварии зардолу ва нашъунамои пахта дар Конибодом - 05.06.2020 15:13
Шиносоии Раиси вилоят бо ҷараёни мумфаршкунии роҳҳо дар Конибодом - 05.06.2020 14:52
Баргузории ҷаласаи ситоди сайёри назди Раиси вилояти Суғд оид ба пурзӯр намудани тадбирҳои зиддиэпидемиявӣ ва пешгирӣ аз паҳншавии сирояти коронавирус COVID-19 дар Конибодом - 05.06.2020 14:41
Мулоқоти Раиси вилоят бо кормандони соҳаи тандурустии шаҳри Конибодом - 05.06.2020 13:55
ФАРМОНИ ПРЕЗИДЕНТ. Нигоҳубини шаҳрвандони таҳти муоинаи тиббӣ қарордошта ва шаҳрвандони аз СOVID-19 сироятёфта ройгон анҷом дода мешавад - 05.06.2020 12:48
Паёми табрикии Раиси вилоят ба муносибати Рӯзи байналмилалии муҳити зист - 04.06.2020 11:55
Фармони Президенти Ҷумҳурии Тоҷикистон «Дар бораи пешгирии таъсири бемории сироятии СOVID-19 ба соҳаҳои иҷтимоию иқтисодии Ҷумҳурии Тоҷикистон» - 05.06.2020 11:23

Баргузории конференсияи илмӣ-амалии ҷумҳуриявӣ дар мавзӯи "Такмили қонунгузории зиддикоррупсионӣ: муаммоҳо ва дурнамои рушд" дар ДДҲБСТ

( 0 Овоз )

4 феврали соли 2020 дар Донишгоҳи давлатии ҳуқуқ, бизнес ва сиёсати Тоҷикистон конференсияи илмӣ-амалии ҷумҳуриявӣ дар мавзӯи "Такмили қонунгузории зиддикоррупсионӣ: муаммоҳо ва дурнамои рушд" баргузор гардид.

Дар кори конференсияи муовини аввали раиси шаҳри Хуҷанд Хайрулло Ғайбуллозода, ёрдамчии калони прокурори вилояти Суғд Гулчеҳра Ғоибназарова, кормандони Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилоят Қиёмиддин Насруддинзода ва Васлибек Назриён, муовини раиси КИ ҲХДТ дар вилояти Суғд Аминҷон Шарифзода, котиби масъули комиссияи ҷамъиятии муқовимат бо коррупсияи мақомоти иҷроияи ҳокимияти давлатии вилоят Музаффар Бобоҷонов, профессори Донишгоҳи миллии Тоҷикистон Анвар Сафарзода ва устоди Донишгоҳи давлатии Кӯлоб Пиралӣ Назарзода иштирок намуданд.

Нахуст, ректори ДДҲБСТ Муъмин Шарифзода конференсияи ҷумҳуриявиро ифтитоҳ намуда, ҳайъати меҳмононро ба иштирокчиён муаррифӣ кард ва баргузории конференсияро ҷиҳати амалинамоии дастуру супоришҳои Сарвари давлат муҳтарам Эмомалӣ Раҳмон дар самти мубориза бо коррупсия муҳиму саривақтӣ унвон кард.

Дар идомаи конференсияи ҷумҳуриявӣ Анвар Сафарзода профессор, мудири кафедраи ҳуқуқи ҷиноятӣ ва муқовимат бо коррупсияи Донишгоҳи миллии Тоҷикистон дар мавзӯи “Масъалаҳои мубрами сиёсати ҳуқуқии ҷиноятӣ дар самти муқовимат бо коррупсия”, нозири калони шуъбаи пешгирии коррупсияи РАНДММК ҶТ дар вилояти Суғд Васлибек Назриён таҳти унвони “Нақши ҷомеаи шаҳрвандӣ дар самти амалигардонии сиёсати зиддикоррупсионии давлат”, ёрдамчии калони прокурори вилояти Суғд Гулчеҳра Ғоибназарова дар мавзӯи “Зарари коррупсия ба субот ва амнияти ҷомеа”, дотсенти кафедраи ҳуқуқи соҳибкорӣ ва байналмилалии ДДҲБСТ Самад Болтуев дар мавзӯи “Мафҳуми коррупсия аз назари ҳуқуқи байналмилалӣ” ҳамчунин сармуаллими кафедраи сиёсатшиносии ДДҲБСТ Шарофиддин Солиев дар мавзӯи “Коррупсия чун зуҳуроти таҳдидкунанда ба амнияти давлатӣ” ва магистранти соли аввали ДДҲБСТ Муҳиба Ҷабборова дар мавзӯи “Муборизаи қатъи ба амалҳои коррупсионӣ-шартимуҳими зиндагии шоиста” маърӯзаҳо ироа намуданд.

Таъкид гардид, ки дар мубориза бар зидди коррупсия бояд тамоми аҳли ҷомеа фаъол бошанд.

Конференсияи илмӣ-амалии ҷумҳуриявӣ пас аз нисфирӯзӣ дар бахшҳои алоҳида идома кард. Коршиносон, мутахассисон ва устодони донишгоҳҳои олии мамлакат дар бахшҳо маърӯзаҳо намуданд.

Хадамоти матбуоти

Раиси вилояти Суғд



  • 1
  • 2
  • 3
ШУМО ДАР: БАХШҲО Навиди Суғд Баргузории конференсияи илмӣ-амалии ҷумҳуриявӣ дар мавзӯи "Такмили қонунгузории зиддикоррупсионӣ: муаммоҳо ва дурнамои рушд" дар ДДҲБСТ