Хабарҳо
Президенти Ҷумҳурии Тоҷикистон Эмомалӣ Раҳмон бо Сардори Ситоди муттаҳидаи Артиши Ҷумҳурии Исломии Покистон генерал Надим Раза мулоқот намуданд - 26.11.2020 11:58
Дар Истаравшан бинои иловагии муассисаи таҳсилоти миёнаи умумии рақами 58 мавриди истифода қарор гирифт - 26.11.2020 11:37
Оғози маъракаи иттилоотии «16 рӯз мубориза алайҳи хушунат» - 26.11.2020 11:31
Дар Ҷамоати деҳоти Шаҳраки шаҳри Исфара майдончаи варзишӣ ба истифода дода шуд - 26.11.2020 11:10
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Шӯрои Федератсияи Маҷлиси Федералии Россия Валентина Матвиенко мулоқот намуданд - 25.11.2020 10:42
Фармонҳои Президенти Ҷумҳурии Тоҷикистон - 24.11.2020 16:11
Таҷлили Рӯзи Парчами давлатӣ дар шаҳри Бӯстон - 24.11.2020 13:56
Баргузории ҷамъомади тантанавӣ бахшида ба Рӯзи Парчам дар ноҳияи Ҷаббор Расулов - 24.11.2020 14:53
Ашт. Бахшида ба Рӯзи Парчами давлатӣ ҷамъомади идона баргузор гардид - 24.11.2020 14:48
Сафари расмии Раиси Маҷлиси миллии Маҷлиси Олии Ҷумҳурии Тоҷикистон дар шаҳри Москва оғоз гардид - 24.11.2020 14:44

Баргузории Фестивалҳои “Атласу адрас” ва “Чакомаи гесӯ” дар шаҳри Бӯстон

( 0 Овоз )

Бахшида ба солҳои 2019-2021 “Солҳои рушди деҳот, сайёҳӣ ва ҳунарҳои мардумӣ” дар шаҳри Бӯстон миёни тарроҳон, дӯзандагон, бонувону духтарон ва кӯдакон даври шаҳрии Фестивали «Атласу адрас» ва Фестивал-озмуни “Чакомаи гесӯ” гузаронида шуд. Чорабинии мазкур бо иштироки раиси шаҳри Бӯстон Раъно Ҳошимзода ва бонувони фаъоли шаҳру вилоят дар саҳни мактаби Президентӣ барои хонандагони болаёқат дар шаҳри Бӯстон доир гардид.

Нахуст раиси шаҳри Бӯстон Раъно Ҳошимзода аз ҳадафу самарҳои Фестивалҳои мазкур ибрози назар намуд. Гуфта шуд, ки бо мақсади таъмини иҷрои Амри Президенти Ҷумҳурии Тоҷикистон аз 13 декабри соли 2018 ва қарори Раиси вилояти Суғд Раҷаббой Аҳмадзода Фестивалҳо доир гардида, ҳадафи онҳо тарғибу ташвиқи либоси миллӣ, тарбияи зебоипарастӣ, тақвияту густариш бахшидан ба истеҳсолу истифодаи анвои гуногуни либосу матоъҳои миллӣ, рушди атласу адрасбофӣ, намоишу парвариши мӯй, ороишу пардози рӯй, ҳаракати мавзун, тарбияи муоширати духтарон, тарғибу ташвиқ ва эҳёи анъанаву маросимҳои миллӣ, аз қабили саршӯёну мӯйбофон, зулфандозӣ ва ҷамолакбандию кокулбофӣ доир мегардад.

Ба маҳорату малакаи иштирокчиёни фестивалҳои мазкур аз рӯи бахшҳо аъзои ҳакамон баҳогузорӣ намуда, ғолибонро муайян намуданд. Дар фарҷом аз ҷониби раиси шаҳри Бӯстон Раъно Ҳошимзода ба ғолибон димломи дараҷавӣ ва туҳфаҳои хотиравӣ тақдим карда шуд.

Ёдовар мешавем, ки дар Фестивалҳои мазкур зиёда аз 100 нафар кӯдакону бонувон, духтарону ҷавонон бо пешниҳоди сару либоси муосир фаъолона ширкат намуданд.

  • 1
  • 2
  • 3
ШУМО ДАР: БАХШҲО Навиди Суғд Баргузории Фестивалҳои “Атласу адрас” ва “Чакомаи гесӯ” дар шаҳри Бӯстон